Climate Change| ആൽബട്രോസ് ഇണകൾ വേർപിരിയുന്നു; കാരണം കാലാവസ്ഥാ വ്യതിയാന‍ം

ഒരു ഇണയെ മാത്രം താല്പര്യമുള്ള (Monogamous species) ഈ ജീവികളിൽ നിലവാരമില്ലാത്ത പങ്കാളിത്തങ്ങൾ പ്രോത്സാഹിപ്പിക്കാതിരിക്കാൻ ഉപയോഗിക്കുന്ന ഒരു രീതിയാണ് ഇത്തരം വേർപിരിയലുകൾ എന്ന് ഗവേഷകർ സൂചിപ്പിച്ചു. കൂടാതെ പ്രജനന കാലഘട്ടത്തെയും ഇത് അടിസ്ഥാനമാക്കുന്നു. ജീവജാലങ്ങളുടെ ഉൽപാദനക്ഷമതയെയും അതിജീവനത്തെയും ബാധിക്കുന്ന കാലാവസ്ഥാ വ്യതിയാനങ്ങൾ ജീവി വർഗ്ഗങ്ങളുടെ വേർപിരിയലിനെ പരോക്ഷമായി ബാധിക്കുകയും ചെയ്യുന്നു. ലിസ്ബൺ സർവകലാശാല, മൊണ്ടാന സർവകലാശാല, സൗത്ത് അറ്റ്ലാന്റിക് എൻവയോൺമെന്റൽ റിസർച്ച് ഇൻസ്റ്റിറ്റ്യൂട്ട്, സ്റ്റാൻലി, ഫാക് ലാൻഡ് ദ്വീപുകൾ; ലിസ്ബണിലെ ഇൻസ്റ്റിറ്റ്യൂട്ട് ഓഫ് അപ്ലൈഡ് സൈക്കോളജി എന്നിവടങ്ങളിൽ നിന്നുള്ള 5 ഗവേഷകരാണ് പഠനം നടത്തിയത്.

Also Read-Carbon Emission | COVID 19 ലോക്ക്ഡൗണിൽ കാർബൺ പുറന്തള്ളൽ ഗണ്യമായി കുറഞ്ഞതായി പഠനം

പഠനത്തിനായി, ഗവേഷകർ ദീർഘകാലമായി ഒരു ദേശത്ത് നിലനിൽക്കുന്ന, ശാസ്ത്രീയമായി തലസാർച്ചെ മെലാനോഫ്രൈസ് (Thalassarche melanophris) എന്ന് വിളിക്കുന്ന കറുത്ത പുരികമുള്ള ആൽബട്രോസിനെക്കുറിച്ചുള്ള (long-lived black-browed albatross) വിവരങ്ങൾ ഉപയോഗിച്ചു. പാരിസ്ഥിതിക വ്യതിയാനം വിവാഹമോചനത്തെ നേരിട്ട് ബാധിക്കുന്നു എന്നും വർഷത്തിൽ വിവാഹമോചന നിരക്ക് ഒരു ശതമാനത്തിൽ നിന്ന് എട്ട് ശതമാനമായി വർദ്ധിക്കുന്നതായും ഗവേഷകർ കണ്ടെത്തി.

Also Read-Barren Island Volcano | ഇന്ത്യയിലുമുണ്ട് പുകയുന്ന ഒരു അഗ്നിപർവ്വതം: എവിടെയാണെന്ന് അറിയണ്ടേ?

ഇണ ചേരലിലെ പരാജയങ്ങൾ കാരണം ആൽബട്രോസ് ദമ്പതികൾ വേർപിരിയാൻ കൂടുതൽ സാധ്യതയുണ്ട് എന്ന് പഠനം പരാമർശിക്കുന്നു. കടൽ ഉപരിതലത്തിലെ താപനില ക്രമക്കേടുകൾ വർദ്ധിച്ചു വരുന്നതായും ഇത് വിജയകരമായ ദാമ്പത്യബന്ധങ്ങളിൽ നിന്ന് പോലും പങ്കാളികളെ വേർപിരിയാൻ പെൺ പക്ഷികളെ നിർബന്ധിക്കുന്നതായും കണ്ടെത്തി.

വെല്ലുവിളി നിറഞ്ഞ പാരിസ്ഥിതിക മാറ്റങ്ങൾ മൂലം നേരിടേണ്ടി വരുന്നപ്രത്യുൽപ്പാദന പ്രശ്നങ്ങൾ, ശാരീരിക സമ്മർദ്ദം എന്നിവ ഏക ഇണകളുള്ള ജീവിവർഗങ്ങളിലെ പ്രജനന പ്രക്രിയകളെ മോശമായി ബാധിക്കുന്നതിനെക്കുറിച്ച് നടത്തുന്ന ആദ്യ ഗവേഷണമാണ് ഇത്.

ലിസ്ബൺ സർവകലാശാലയിലെ പ്രധാന ഗവേഷകനും പഠനത്തിന്റെ സഹരചയിതാവുമായ ഫ്രാൻസെസ്കോ വെഞ്ചുറ (Francesco Ventura) പറഞ്ഞതനുസരിച്ച് ആൽബട്രോസ് ഒരു പ്രജനന കാലത്തിലേക്ക് മടങ്ങുന്നതിൽ പരാജയപ്പെടുകയാണെങ്കിൽ, അവരുടെ പങ്കാളികൾക്ക് മറ്റാരെയെങ്കിലും തിരഞ്ഞെടുക്കാമെന്ന് സൂചിപ്പിച്ചു. വെഞ്ചുറയുടെ അഭിപ്രായത്തിൽ, മോശം കാലാവസ്ഥയും വെള്ളം കൂടുതൽ ചൂടുള്ളതാകുന്നതും ആൽബട്രോസിന്റെ സ്ട്രെസ് ഹോർമോൺ നില വർദ്ധിക്കുന്നതാണ് മറ്റൊരു കാരണം.