യുവതിയുടെ ജീവനെടുത്തത് ഫോൺ ചെയ്യുന്നതിനിടെ കടിച്ച അരളിപ്പൂവോ?

സൂര്യ സുരേന്ദ്രൻ എന്ന 24 കാരിയുടെ മരണം അരളിപ്പൂവുമായി ബന്ധപ്പെട്ട ചർച്ചകൾക്കാണ് വഴിവച്ചിരിക്കുന്നത്. ബിഎസ്‌സി നഴ്സിങ് പാസായ സൂര്യ യുകെയിൽ ജോലിയിൽ ചേരാനായി ഞായറാഴ്ച രാവിലെയാണ് പുറപ്പെട്ടത്. നെടുമ്പാശേരി വിമാനത്താവളത്തിൽ വച്ച് കുഴഞ്ഞു വീണ സൂര്യ തിങ്കളാഴ്ച രാവിലെ പരുമലയിലെ സ്വകാര്യ ആശുപത്രിയിൽ മരിച്ചു. ഹരിപ്പാട് പള്ളിപ്പാട് സ്വദേശിനിയായ സൂര്യ യാത്രയ്ക്ക് മുൻപായി വീട്ടിൽ നിന്ന് പലരോടും ഫോണിലൂടെയാണ് യാത്ര പറഞ്ഞത്. ഫോൺ സംസാരത്തിനിടെ അടുത്ത വീട്ടിൽ നിന്ന അരളിയിലെ പൂവ് കടിച്ചിരുന്നതായി സൂര്യ ഡോക്ടർമാരോട് പറഞ്ഞിരുന്നു. ഇതോടെയാണ് അരളിപൂവിന് വില്ലൻ പരിവേഷം ലഭിച്ചത്.