അർജന്റീനയുടെ ജഴ്സി നീലയും വെള്ളയുമായത് എങ്ങനെ?

Published by:Rajesh V
trending desk

Last Updated:December 21, 2022 10:41 AM IST

രാജ്യത്തിന്റെ ദേശീയ പതാകയിലെ നിറങ്ങൾ തന്നെയാണ് ജഴ്സിയിലുമുള്ളത്. എന്നാൽ അതിന് പിന്നിൽ ഒരു ചരിത്രമുണ്ട്. നെപ്പോളിയൻ ചക്രവ‍ർത്തി, ബൈസന്റൈൻ സാമ്രാജ്യം, നവോത്ഥാന ചിത്രകാരന്മാർ, അർജന്റീനയുടെ സ്വാതന്ത്ര്യസമരം എന്നിങ്ങനെ നിരവധി ഘടകങ്ങളുമായി ഈ ചരിത്രം ബന്ധപ്പെട്ട് കിടക്കുന്നു

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

ബ്യൂണസ് അയേര്‍സ്: 36 വർഷത്തിന് ശേഷം അർജന്റീന (Argentina) ലോകകപ്പ് ഫുട്ബോൾ കിരീടം സ്വന്തമാക്കിയിരിക്കുകയാണ്. ടീമിന്റെ വിജയത്തിന് ശേഷം സോഷ്യൽ മീഡിയയിൽ നിറയെ അർജന്റീനയും ലയണൽ മെസിയുമായി (Lionel Messi) ബന്ധപ്പെട്ട ചർച്ചകളാണ് നടക്കുന്നത്. അത്തരത്തിൽ ഒരു ചർച്ച അർജന്റീനയുടെ ജഴ്സിയിലെ നീലയും വെള്ളയും നിറവുമായി ബന്ധപ്പെട്ടാണ്.

രാജ്യത്തിന്റെ ദേശീയ പതാകയിലെ നിറങ്ങൾ തന്നെയാണ് ജഴ്സിയിലുമുള്ളത്. എന്നാൽ അതിന് പിന്നിൽ ഒരു ചരിത്രമുണ്ട്. നെപ്പോളിയൻ ചക്രവ‍ർത്തി, ബൈസന്റൈൻ സാമ്രാജ്യം, നവോത്ഥാന ചിത്രകാരന്മാർ, അർജന്റീനയുടെ സ്വാതന്ത്ര്യസമരം എന്നിങ്ങനെ നിരവധി ഘടകങ്ങളുമായി ഈ ചരിത്രം ബന്ധപ്പെട്ട് കിടക്കുന്നു. ട്വിറ്ററിൽ ഈ ചരിത്രം വിവരിച്ച് കൊണ്ടുള്ള ഒരു ത്രെഡ് വൈറലാവുകയാണ്.

ദ കൾച്ചറൽ ട്യൂട്ടർ (@culturaltutor) പോസ്റ്റ് ചെയ്ത ത്രെഡ് അനുസരിച്ച്, ബൈസന്റൈൻ സാമ്രാജ്യത്തിന്റെ കാലത്ത്, നീല നിറം വളരെ പവിത്രമായാണ് കണക്കാക്കിയിരുന്നത്. ലാപിസ് ലാസുളിയെന്ന കല്ലിൽ നിന്ന് ലഭിച്ചിരുന്ന നീല നിറം ഉപയോഗിച്ചാണ് വിശുദ്ധ മേരിയുടെ ചിത്രങ്ങൾ അക്കാലത്ത് വരച്ചിരുന്നത്. ഇതിന് സ്വർണത്തേക്കാൾ വിലപിടിപ്പുണ്ടായിരുന്നു. 18-ാം നൂറ്റാണ്ടിൽ അർജന്റീന സ്പാനിഷ് കോളനിയായിരുന്നു. ചാൾസ് മൂന്നാമന്റെ മകനായിരുന്ന ചാൾസ് എന്ന് തന്നെ അറിയപ്പെട്ടിരുന്ന രാജാവിന് കുട്ടികൾ ഇല്ലായിരുന്നു. ഇവർ വിശുദ്ധ മേരിയെ പ്രാർഥിച്ച ശേഷം രാജാവിന് കുഞ്ഞ് പിറന്നു.

Also Read- ആവേശക്കടലായി ബ്യൂണസ് അയേഴ്‌സ്; അര്‍ജന്‌റീനയുടെ വിക്ടറി പരേഡിനെത്തിയത് 40 ലക്ഷം പേര്‍!

In the Byzantine Empire, which was the continuation of the eastern half of the Roman Empire, the colour blue was regarded as the colour of the nobility and of the emperor and empress.

Blue was an expensive colour. It brought great social prestige and came to symbolise majesty. pic.twitter.com/9wrvQhZad3

— The Cultural Tutor (@culturaltutor) December 19, 2022

ഈ സന്തോഷം ആഘോഷിക്കുന്നതിനായി ചാൾസ് രാജാവ് 1771ൽ ഒരു ഉത്തരവ് പ്രഖ്യാപിച്ചു. സ്പെയിൻകാർ ഒരു പ്രത്യേക സമൂഹമായി ഈ സന്തോഷം ആഘോഷിക്കണമെന്ന് അദ്ദേഹം ആവശ്യപ്പെട്ടു. നീലനിറമായിരുന്നു ആഘോഷസമയത്ത് എല്ലാവരും ധരിച്ചിരുന്നത്. വിശുദ്ധ മേരിയുടെ വസ്ത്രങ്ങളുടെ നിറവും നീലയാവണമെന്ന് രാജാവ് പ്രഖ്യാപിക്കുകയും ചെയ്തു. പിന്നീട് 1808ൽ നെപ്പോളിയൻ അർജന്റീന പിടിച്ചടക്കാൻ ശ്രമിച്ചു. അത് അർജന്റീനയിലും സ്പെയിനിലും വലിയ കലാപത്തിന് കാരണമായി.

Anyway, in the 18th century Charles III was King of Spain.

His son and heir, also called Charles, had been married for five years without producing any children of his own…

(Remember, the Spanish Empire ruled Argentina at this point in history) pic.twitter.com/h6RKt04EJb

— The Cultural Tutor (@culturaltutor) December 19, 2022

ഫെർഡിനൻഡ് എട്ടാമനായിരുന്നു അക്കാലത്തെ ഭരണാധികാരി. നെപ്പോളിയനെതിരെ ഫെർഡിനൻഡിനൊപ്പം നിന്നവർ നീലയും വെള്ളയും വസ്ത്രം ധരിച്ചാണ് പിന്തുണ പ്രഖ്യാപിച്ചത്. രണ്ട് വർഷത്തിന് ശേഷം സ്പാനിഷ് ഭരണത്തിനെതിരെ അർജന്റീനയിൽ സ്വാതന്ത്ര്യസമരം ആരംഭിച്ചു. ആ സമയത്ത് സ്വാതന്ത്ര്യസമര സേനാനിയായിരുന്ന മാനുവൽ ബെൽഗ്രാനോ, നീലയും വെള്ളയും നിറങ്ങളിലുള്ള അർജന്റീനയുടെ ദേശീയ പതാക തയ്യാറാക്കി. ഇത് പിന്നീട് അർജന്റീനയുടെ ദേശസ്നേഹത്തിൻെറ ഭാഗമായി മാറുകയും ചെയ്തു. നീലയും വെള്ളയും നിറങ്ങൾ ആകാശത്തിനെയും മഞ്ഞിനെയും പ്രതിനിധാനം ചെയ്യുന്നുവെന്നാണ് ബെൽഗ്രാനോ പറഞ്ഞത്.

Also Read- ഇന്‍സ്റ്റയും വാട്സ്ആപ്പും കീഴടക്കി ‘മിശിഹ’; മെസിയുടെ ലോകകപ്പ് പോസ്റ്റ് തരംഗമായെന്ന് സുക്കര്‍ബര്‍ഗ്

Charles III had prayed to St Mary her during those many years of waiting for his son to have a child.

So for the colours of his new Order Charles chose blue – Mary’s colour – and combined it with white.

Here is Charles IV wearing the sash of his father’s Order. Seem familiar? pic.twitter.com/JMhbPzEdHq

— The Cultural Tutor (@culturaltutor) December 19, 2022

1880കളിലാണ് അർജന്റീനയിൽ ഫുട്ബോൾ എത്തുന്നത്. ബ്രിട്ടീഷ് റെയിൽ ജീവനക്കാരാണ് ഫുട്ബോളിന് അർജന്റീനയിൽ വലിയ പ്രശസ്തി നൽകിയത്. പിന്നീട് ആ കളി അർജന്റീനയുടെ ഓരോ മുക്കിലൂം മൂലയിലും വരെയെത്തി. 1908ൽ അർജന്റീന ദേശീയ ടീം ബ്രസീലിയൻ ലീഗിൽ പങ്കെടുത്തത് നീലയും വെള്ളയും നിറമുള്ള ജഴ്സി ധരിച്ചാണ്. അന്ന് തൊട്ട് ഇന്ന് വരെ ഇതേ നിറങ്ങളുള്ള ജഴ്സി അണിഞ്ഞാണ് അർജന്റീന കളിക്കുന്നത്. ലോകകപ്പ് ഫൈനലിലും ഇതേ നിറമുള്ള ജഴ്സി തന്നെയാണ് ടീം അംഗങ്ങൾ ധരിച്ചത്.

ലോകമെമ്പാടു നിന്നുള്ള ബ്രേക്കിംഗ് ന്യൂസുകളുടെ ആഴത്തിലുള്ള വിശകലനത്തിന് News18 മലയാളത്തിനൊപ്പം വരൂ