നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • explained
    • »
    • Road Safety World Series Cricket | റോഡ് സേഫ്റ്റി വേൾഡ് സീരീസ് ക്രിക്കറ്റ് ടി-20 ടൂർണമെന്റിനെക്കുറിച്ച് അറിയേണ്ടതെല്ലാം

    Road Safety World Series Cricket | റോഡ് സേഫ്റ്റി വേൾഡ് സീരീസ് ക്രിക്കറ്റ് ടി-20 ടൂർണമെന്റിനെക്കുറിച്ച് അറിയേണ്ടതെല്ലാം

    ക്രിക്കറ്റിൽ നിന്നും വിരമിച്ച ഇതിഹാസ താരങ്ങളെ ഉൾപ്പെടുത്തിയുള്ള ടൂർണമെന്റാണ് റോഡ് സേഫ്റ്റി വേൾഡ് സീരീസ്. ജനങ്ങളിൽ ട്രാഫിക്ക് അവബോധം സൃഷ്ടിക്കുക ലക്ഷ്യമിട്ട് മഹാരാഷ്ട്രാ റോഡ് സേഫ്റ്റി സെല്ലാണ് ടൂർണമെൻ്റ് സംഘടിപ്പിക്കുന്നത്

    brian-lara-sachin-tendulkar

    brian-lara-sachin-tendulkar

    • Share this:

      ക്രിക്കറ്റ് പ്രേമികളുടെ മനം കവരുകയാണ് റോഡ് സേഫ്റ്റി വേൾഡ് ടി-20 സീരീസ്. പ്രായം വെറും അക്കങ്ങൾ മാത്രമാണെന്ന് തെളിയിക്കുന്ന പ്രകടനങ്ങളാണ് മൈതാനത്ത് വിരമിച്ച താരങ്ങൾ പുറത്തെടുക്കുന്നത്. സച്ചിനും, സേവാഗും, യുവരാജും, ലാറയും, ഇർഫാൻ പഠാനും എല്ലാം മികച്ച പ്രകടനം നടത്തി ആരാധകരെ ഞെട്ടിക്കുന്നു. പഴയ താരങ്ങളുടെ വീറും വാശിയും ഒട്ടും കുറഞ്ഞിട്ടില്ലെന്ന് ഓരോ മത്സരവും കാണിക്കുന്നു. തുടക്കം മുതൽ മികച്ച പ്രകടനം നടത്തുന്ന സച്ചിൻ ടെൻഡുൽക്കർ നയിക്കുന്ന ഇന്ത്യൻ ലെജൻസ് ഇതിനോടകം ഫൈനലിൽ എത്തിക്കഴിഞ്ഞു. ആവേശകരമായ മത്സരത്തിൻ വെസ്റ്റിൻഡീസ് ലെജൻസിനെ തോൽപ്പിച്ചാണ് ഇന്ത്യ ഫൈനലിൽ എത്തിയത്. റോഡ് സേഫ്റ്റി സീരീസിനെക്കുറിച്ച് കൂടുതൽ കാര്യങ്ങൾ അറിയാം



      എന്താണ് റോഡ് സേഫ്റ്റി സീരീസ്?

      ക്രിക്കറ്റിൽ നിന്നും വിരമിച്ച ഇതിഹാസ താരങ്ങളെ ഉൾപ്പെടുത്തിയുള്ള ടൂർണമെന്റാണ് റോഡ് സേഫ്റ്റി വേൾഡ് സീരീസ്. ജനങ്ങളിൽ ട്രാഫിക്ക് അവബോധം സൃഷ്ടിക്കുക ലക്ഷ്യമിട്ട് മഹാരാഷ്ട്രാ റോഡ് സേഫ്റ്റി സെല്ലാണ് ടൂർണമെൻ്റ് സംഘടിപ്പിക്കുന്നത്. കഴിഞ്ഞ വർഷം മാർച്ചിലാണ് ടൂർണമെന്റിന് തുടക്കമായത്. എന്നാൽ വെറും നാല് മത്സരങ്ങൾക്ക് ശേഷം കോവിഡിനെ തുടർന്ന് സീരീസ് നീട്ടി വെക്കുകയായിരുന്നു. 2021 ൽ പുതിയ സീരീസ് ആരംഭിക്കുന്നതിന് പകരം കഴിഞ്ഞ വർഷം മുടങ്ങിയത് പുനരാരംഭിക്കുകയാണ് ഉണ്ടായത്. സച്ചിൻ ടെൻഡുൽക്കാറാണ് സീരിസിൻ്റെ ബ്രാൻഡ് ആബാസിഡർ. സുനിൽ ഗവാസസ്ക്കർ സീരീസ് കമ്മീഷണർ സ്ഥാനവും വഹിക്കുന്നു



      പങ്കെടുക്കുന്നത് ആരൊക്കെ?

      ഇന്ത്യ ലെജൻസ്, ദക്ഷിണാഫ്രിക്ക ലെജൻസ്, ഇംഗ്ലണ്ട് ലെജൻസ്, ബംഗ്ലാദേശ് ലെജൻസ്, ശ്രീലങ്ക ലെജൻസ്, വെസ്റ്റ് ഇൻഡീസ് ലെജൻസ് എന്നിങ്ങനെ 6 രാജ്യങ്ങളുടെ ടീമുകളാണ് 2021 സീരീസിൽ പങ്കെടുക്കുന്നത്. കോവിഡ് നിയന്തണങ്ങൾ കാരണം കഴിഞ്ഞ വർഷം പങ്കെടുത്ത ഓസ്ട്രേലിയ ലെജൻസ് ഇത്തവണയില്ല. ഇതിന് പകരമായി ബംഗ്ലാദേശ്, ഇംഗ്ലണ്ട് ടീമുകളെ ഈ വർഷത്തെ ടൂർണമെൻ്റിൽ ഉൾപ്പെടുത്തിയിട്ടുണ്ട്.


      റോഡ് സേഫ്റ്റി സീരീസിന്റെ ഫോർമാറ്റും നിലവിലെ പോയിന്റും


      റൗണ്ട്‌ റോബിൻ ഫോർമാറ്റിലാണ് മത്സരം നടക്കുന്നത്. ഇത് പ്രകാരം ഓരോ ടീമിനും പങ്കെടുക്കുന്ന എല്ലാ ടീമുകളുമായി ഒരു മത്സരം ഉണ്ടാകും. പോയിന്റ് ടേബിളിലെ ആദ്യ നാല് സ്ഥാനക്കാർക്ക് സെമിയിൽ പ്രവേശിക്കാം. ഓരോ ജയത്തിനും നാല് പോയിൻ്റ് വീതവും സമനില ആയാൽ ഇരു ടീമുകൾക്കും രണ്ട് പോയിൻ്റുമാണ് ലഭിക്കുക.

      Also Read-

      Road Safety World Series | സച്ചിൻ കസറി, വിൻഡീസ് പതറി; റോഡ് സേഫ്റ്റി സീരിസിൽ ഇന്ത്യ ഫൈനലിൽ


      നിലവിൽ ഗ്രൂപ്പ് ഘട്ടം അവസാനിച്ച ടൂർണമെൻ്റിൽ ഇന്ത്യ ലെജൻസ്, ശ്രീലങ്ക ലെജൻസ്, ദക്ഷിണഫ്രിക്ക ലെജൻസ്, വെസ്റ്റിൻഡീസ് ലെജൻസ് എന്നിവരാണ് സെമിയിൽ പ്രവേശിച്ചത്. ആദ്യ സെമിയിൽ വെസ്റ്റിൻഡീസിനെ തോൽപ്പിച്ച് ഇന്ത്യ ലെജൻസ് ഫൈനൽ ഉറപ്പിച്ചു. 19 ന് നടക്കുന്ന രണ്ടാം സെമിയിൽ ശ്രീലങ്ക ലെജൻസ് ദക്ഷിണാഫ്രിക്ക ലെജൻസിനെ നേരിടും. ഇതിലെ വിജയി 21 ന് നടക്കുന്ന ഫൈനലിൽ ഇന്ത്യയെ നേരിടും


      മത്സരം എങ്ങനെ കാണാം


      COLORS സിനിപ്ലെക്സ്, COLORS കന്നഡ സിനിമ, Rishtey സിനിപ്ലെക്സ് എന്നിവയിൽ മത്സരം പ്രക്ഷേപണം ചെയ്യും. VOOT, Jio എന്നിവയിൽ ലൈവ് സ്ട്രീമിംഗും ലഭ്യമാണ്

      Tags: Road Safety World Series, India Legends, Sachin, Road Safety, റോഡ് സേഫ്റ്റി വേൾഡ് സീരീസ്, ഇന്ത്യ ലെജൻസ്,ഇതിഹാസ താരങ്ങൾ, ക്രിക്കറ്റ്, Cricket
      Published by:Anuraj GR
      First published:
      )}