ഉരുൾപൊട്ടൽ:നിമിഷനേരം കൊണ്ട് മണ്ണിനേയും മനുഷ്യനെയും തുടച്ചു നീക്കുന്ന ‘ജലബോംബ്’

പ്രതീക്ഷകളും സ്വപ്നങ്ങളുമായ പുതിയ നാളെക്കുള്ള ഉറക്കത്തിലായിരുന്നു മുണ്ടക്കൈയിലും ചൂരൽമലയിലെയും ജനങ്ങൾ. എന്നാൽ അവരുടെ ഇടയിലേക്കാണ് കൂറ്റൻ പാറക്കെട്ടുകളുടെ ജലബോംബ് വർഷിച്ചത്. ഇതോടെ നിരവധി ജീവനുകളാണ് വയനാട്ടിലെ ഉരുൾപൊട്ടൽ കവർന്നെടുത്തത്. ഉറ്റവരെയും ഉടയവരെയും നഷ്ടപ്പെട്ട നിരവധി ആളുകൾ, രാത്രി പുലരുമ്പോഴേക്കും അനാഥരായ കുട്ടികള്‍, കൺമുന്നില്‍ സ്വന്തം അമ്മയും പെങ്ങളും കുത്തൊഴുക്കിൽപ്പെട്ട് പോകുമ്പോൾ പൊട്ടിക്കരയാനല്ലാതെ മറ്റൊന്നും ചെയ്യാനാവാതെ പകച്ചുനിൽക്കേണ്ടിവന്നവർ. എന്താണ് യഥാർത്ഥത്തിൽ സംഭവിച്ചതെന്നു പോലും അറിയാത്ത സ്ഥിതിയാണ് ഉണ്ടായിരിക്കുന്നത്. എന്താണ് ഉരുൾപൊട്ടൽ? എങ്ങനെയാണ് അത് സംഭവിക്കുന്നത്? എവിടെയൊക്കെയാണ് ഉരുൾപൊട്ടൽ സാധ്യതാ പ്രദേശങ്ങൾ?