വിവിധതരം മ്യൂച്വൽ ഫണ്ടുകൾ: ഇക്വിറ്റി, ഡെറ്റ്, ഹൈബ്രിഡ് ഫണ്ടുകൾ തമ്മിലുള്ള വ്യത്യാസം എന്ത്?

നിക്ഷേപകർ മ്യൂച്വൽ ഫണ്ടിൽ പണം നിക്ഷേപിക്കുന്നു. ഒരു പ്രൊഫഷണൽ ഫണ്ട് മാനേജരാണ് ഈ ഫണ്ട് കൈകാര്യം ചെയ്യുന്നത്. ഇക്വിറ്റികൾ, ബോണ്ടുകൾ, മണി മാർക്കറ്റ്, മറ്റ് സെക്യൂരിറ്റികൾ എന്നിവിടങ്ങളിലാണ് ഈ പണം നിക്ഷേപിക്കുന്നത്. കഴിഞ്ഞ രണ്ട് വർഷങ്ങളായി റീട്ടെയിൽ മ്യൂച്വൽ ഫണ്ട് നിക്ഷേപകരിൽ ഇന്ത്യ വർധനവ് രേഖപ്പെടുത്തിയിട്ടുണ്ട്. വിവിധ തരം മ്യൂച്വൽ ഫണ്ടുകൾ ലഭ്യമായതിനാൽ ഇവ തമ്മിലുള്ള വ്യത്യാസവും ഓരോന്നിന്റെയും പ്രത്യേകതകളും അറിഞ്ഞിരിക്കണം.

ഇക്വിറ്റി സ്കീമിന് കീഴിലാണ് ലാർജ്, മിഡ്, സ്മോൾ ക്യാപ് സ്റ്റോക്കുകൾ വരുന്നത്. നിക്ഷേപ കാലയളവും റിസ്ക് എടുക്കാനുള്ള താത്പര്യവുമനുസരിച്ച് നിക്ഷേപകർക്ക് ഇവയിൽ നിക്ഷേപം നടത്താം.

ഡെറ്റ് ഫണ്ട് (ഇൻകം ഫണ്ട് എന്നും അറിയപ്പെടുന്നു) പ്രധാനമായും ബോണ്ടുകളിലോ മറ്റ് ഡെറ്റ് സെക്യൂരിറ്റികളിലോ നിക്ഷേപം നടത്തുന്ന മ്യൂച്വൽ ഫണ്ടാണ്. സർക്കാർ, പൊതു ധനകാര്യ സ്ഥാപനങ്ങൾ, കമ്പനികൾ എന്നിവ നൽകുന്ന ഹ്രസ്വ, ദീർഘകാല സെക്യൂരിറ്റികളിലാണ് ഡെറ്റ് ഫണ്ടുകൾ നിക്ഷേപിക്കുന്നത്. ഉദാഹരണത്തിന്, ട്രഷറി ബില്ലുകൾ, ഗവൺമെന്റ് സെക്യൂരിറ്റീസ്, ഡിബഞ്ചറുകൾ, കൊമേഴ്സ്യൽ പേപ്പർ, ഡിപ്പോസിറ്റ് സർട്ടിഫിക്കറ്റുകൾ തുടങ്ങിയവയിൽ നിക്ഷേപം നടത്തുന്നു.

ഹൈബ്രിഡ് സ്കീം ഫണ്ടുകൾ (ബാലൻസ്ഡ് ഫണ്ടുകൾ എന്നും അറിയപ്പെടുന്നു) ബോണ്ടുകളുടെയും ഓഹരികളുടെയും ഒരു മിശ്രിതമാണ്. ഇക്വിറ്റി ഫണ്ടുകളുടെയും ഡെറ്റ് ഫണ്ടുകളുടെയും വിടവ് നികത്തുന്ന ഒന്നാണിത്. ഹൈബ്രിഡ് ഫണ്ടുകളെ കൺസർവേറ്റീവ് ഹൈബ്രിഡ് ഫണ്ട്, ബാലൻസ്ഡ് ഹൈബ്രിഡ് ഫണ്ട്, അഗ്രസീവ് ഹൈബ്രിഡ് ഫണ്ട്, ഡൈനാമിക് അസറ്റ് അലോക്കേഷൻ അല്ലെങ്കിൽ ബാലൻസ്ഡ് അഡ്വാന്റേജ് ഫണ്ട്, മൾട്ടി അസറ്റ് അലോക്കേഷൻ ഫണ്ട്, ആർബിട്രേജ് ഫണ്ട്, ഇക്വിറ്റി സേവിംഗ്സ് എന്നിങ്ങനെ 7 ഉപവിഭാഗങ്ങളായി സെബി തരംതിരിച്ചിട്ടുണ്ട്.

റിട്ടയർമെന്റ്, കുട്ടികളുടെ വിദ്യാഭ്യാസം തുടങ്ങിയ ആവശ്യങ്ങൾക്കായി നിക്ഷേപിക്കാൻ പറ്റിയ മ്യൂച്വൽ ഫണ്ട് സ്കീമാണ് സൊല്യൂഷൻ ഓറിയന്റഡ് സ്കീം.

ഇൻഡക്സ് ഫണ്ടുകൾ, ഇടിഎഫുകൾ, ഫണ്ട്സ് ഓഫ് ഫണ്ട് എന്നിവയാണ് ഇതിൽ ഉൾപ്പെടുന്നത്.