പൈലറ്റുമാരും ക്രൂവും മൗത്ത് വാഷും ടൂത്ത് ജെല്ലും ഉപയോഗിക്കരുത്! DGCA എന്തു കൊണ്ട് ഇങ്ങനെ പറയുന്നു?

വിമാനജീവനക്കാരുടെ മെഡിക്കൽ എക്സാമിനേഷന്റെ ഭാഗമായുള്ള ഏറ്റവും പുതിയ നിയമങ്ങളനുസരിച്ച് ആൽക്കോഹോൾ കണ്ടന്റ് അടങ്ങിയ എല്ലാ പദാർത്ഥങ്ങളും ഉപയോഗിക്കുന്നതിൽ നിന്ന് പൈലറ്റ്, ക്രൂ എന്നിവർക്ക് ഡിജിസിഎ വിലക്കേർപ്പെടുത്തി. ആൽക്കഹോൾ ചേർന്ന ഇത്തരം വസ്തുക്കൾ മെഡിക്കൽ എക്‌സാമിനേഷൻ സമയത്ത് ഉപയോഗിക്കുന്നത് ബ്രെത് അനലൈസർ ടെസ്റ്റ്‌ പോസിറ്റീവ് ആകാൻ കാരണമാകും എന്നാണ് വിലയിരുത്തൽ. ഇന്ത്യയുടെ ഏവിയേഷൻ റെഗുലേറ്ററി കമ്മീഷൻ ബുധനാഴ്ചയാണ് ഇക്കാര്യം വ്യക്തമാക്കിയത്. സിവിൽ ഏവിയേഷൻ ഡയറക്ടർ ബോർഡും ഏവിയേഷൻ റിക്വയർമെന്റ് ബോർഡും ഈ രംഗത്തെ വിദഗ്ദരുടെ അഭിപ്രായങ്ങൾ കേട്ട ശേഷമാണ് പുതിയ നിയമങ്ങൾ അവതരിപ്പിച്ചത്.