മുതിർന്ന ​​ഐഎഎസ് ഉദ്യോഗസ്ഥൻ ബി അശോകിന്റെ കേസിൽ സർക്കാരിന് എന്തുകൊണ്ട് തിരിച്ചടി?

കൃഷിവകുപ്പ് പ്രിൻസിപ്പൽ സെക്രട്ടറിയും കാർഷികോത്പാദന കമ്മീഷണറുമായ ഡോ. ബി അശോകിനെതിരെ സർക്കാർ തുടർച്ചയായി സ്ഥലംമാറ്റം ഉത്തരവിറക്കിയത് കോടതിയലക്ഷ്യമെന്ന് കേന്ദ്ര അഡ്മിനിസ്ട്രേറ്റീവ് ട്രിബ്യൂണൽ. കേഡർ തസ്തികകളിൽ ഐഎഎസ് ഉദ്യോ​ഗസ്ഥർക്ക് മാത്രമേ നിയമനം നൽകാനാകൂവെന്ന് ഉത്തരവിൽ ട്രിബ്യൂണൽ വ്യക്തമാക്കി. കേഡർ തസ്തികയല്ലാത്ത തദ്ദേശവകുപ്പ് പരിഷ്കരണ കമ്മീഷണറായി ഡെപ്യൂട്ടേഷൻ നൽകിയത് ചോദ്യംചെയ്ത് ബി അശോക് സമർപ്പിച്ച ഹർജിയിലാണ് ട്രിബ്യൂണൽ നടപടി.