Pathaam Valavu | 'ആരാധനാ ജീവനാഥാ...'; പെരുന്നാള് ഗാനവുമായി 'പത്താം വളവ്'
- Published by:Jayesh Krishnan
- news18-malayalam
Last Updated:
എം. പദ്മകുമാറിന്റെ സംവിധാനത്തില് ഒരുങ്ങുന്ന ഫാമിലി ഇമോഷണല് ത്രില്ലര് ചിത്രം മെയ് 13 ന് ആണ് തിയേറ്ററുകളില് എത്തുന്നത്.
സുരാജ് വെഞ്ഞാറമൂടും ഇന്ദ്രജിത്ത് സുകുമാരനും ഒന്നിക്കുന്ന ഫാമിലി ഇമോഷണല് ത്രില്ലര് ചിത്രമായ പത്താം വളവിലെ ആരാധനാ ജീവനാഥാ എന്ന പെരുന്നാള് ഗാനം പുറത്തിറങ്ങി. പാട്ട് പാടിയിരിക്കുന്നത് വിജയ് യേശുദാസും മെറിനും ചേര്ന്നാണ്. ബി. കെ ഹരിനാരായണന്റെ വരികള്ക്ക് സംഗീതം നല്കിയിരിക്കുന്നത് രഞ്ജിന് രാജാണ്. എം. പദ്മകുമാറിന്റെ സംവിധാനത്തില് ഒരുങ്ങുന്ന ഫാമിലി ഇമോഷണല് ത്രില്ലര് ചിത്രം മെയ് 13 ന് ആണ് തിയേറ്ററുകളില് എത്തുന്നത്.
ചിത്രത്തിന്റെ ട്രെയിലറിന് മികച്ച പ്രതികരണം ലഭിച്ചിരുന്നു. ഒരു ഇടവേളയ്ക്ക് ശേഷം അജ്മല് അമീര് മലയാളത്തിലേക്ക് എത്തുന്ന സിനിമയാണ് പത്താം വളവ്. വര്ഷങ്ങള്ക്കു മുമ്പ് കേരള മനസാക്ഷിയെ ഞെട്ടിച്ച ഒരു യഥാര്ത്ഥ സംഭവത്തെ ആസ്പദമാക്കിയൊരുക്കിയ ചിത്രത്തില് അതിഥി രവിയും സ്വാസികയുമാണ് നായികമാര്.
അനീഷ് ജി മേനോന്, സുധീര് കരമന, സോഹന് സീനു ലാല്, മേജര് രവി, രാജേഷ് ശര്മ്മ, ഇടവേള ബാബു,നന്ദന് ഉണ്ണി, ജയകൃഷ്ണന്,ഷാജു ശ്രീധര്, നിസ്താര് അഹമ്മദ്,തുഷാര പിള്ള, അമ്പിളി തുടങ്ങിയവരാണ് മറ്റ് താരങ്ങള്. നടി മുക്തയുടെ മകള് കണ്മണി അഭിനയരംഗത്തേക്ക് അരങ്ങേറ്റം കുറിക്കുന്ന ചിത്രം കൂടിയാണ് പത്താം വളവ്.
advertisement
യു ജി എം പ്രൊഡക്ഷന്സിന്റെ ബാനറില് ഡോക്ടര് സക്കറിയ തോമസ്, ശ്രീജിത്ത് രാമചന്ദ്രന്, ജിജോ കാവനാല്, പ്രിന്സ് പോള് എന്നിവര് ചേര്ന്നു നിര്മിക്കുന്നത്. ചിത്രത്തിലൂടെ ബോളിവുഡ് നിര്മ്മാണക്കമ്പനിയായ മുംബൈ മൂവി സ്റ്റുഡിയോസ് ആദ്യമായി മലയാള സിനിമയിലേക്ക് എത്തുന്നു എന്ന പ്രത്യേകതയും പത്താം വളവിനുണ്ട്. റുസ്തം, ലഞ്ച് ബോക്സ് തുടങ്ങിയ ചിത്രങ്ങളുടെ നിര്മാതാവായ നിതിന് കേനിയുടെ പങ്കാളിത്തത്തില് ഉള്ള കമ്പനിയാണ് എം എം സ്.
advertisement
നൈറ്റ് ഡ്രൈവ് തിരക്കഥകൃത്ത് അഭിലാഷ് പിള്ളയാണ് പത്താം വളവിനുംതിരക്കഥ ഒരുക്കിയിരിക്കുന്നത്. അഭിലാഷിന്റെ രണ്ടാമത്തെ ത്രില്ലര് ചിത്രമാണിത്. ഛായാഗ്രഹണം നിര്വഹിച്ചിരിക്കുന്നത് രതീഷ് റാം ആണ്.
എഡിറ്റര് - ഷമീര് മുഹമ്മദ്, പ്രൊജക്റ്റ് ഡിസൈന് നോബിള് ജേക്കബ് - , കോസ്റ്റ്യൂം ഡിസൈനര് - ഐഷ ഷഫീര്, ആര്ട്ട് രാജീവ് കോവിലകം, മേക്കപ്പ് ജിതേഷ് പൊയ്യ, പി.ആര്.ഓ- ആതിര ദില്ജിത്ത്, വാഴൂര് ജോസ്.
Click here to add News18 as your preferred news source on Google. സിനിമാ, ടെലിവിഷൻ, OTT ലോകത്തു നിന്നും ഏറ്റവും പുതിയ എന്റർടൈൻമെന്റ് വാർത്തകൾക്കായി News18 മലയാളത്തിനൊപ്പം വരൂ
Location :
First Published :
Apr 17, 2022 9:33 AM IST
മലയാളം വാർത്തകൾ/ വാർത്ത/Film/
Pathaam Valavu | 'ആരാധനാ ജീവനാഥാ...'; പെരുന്നാള് ഗാനവുമായി 'പത്താം വളവ്'
