Film Awards | ആദ്യ ചിത്രം; ഉർവശിക്കൊപ്പം മികച്ച നടിയായി മാറിയ അദ്ധ്യാപികയായ ബീന ആർ. ചന്ദ്രൻ
- Published by:meera_57
- news18-malayalam
Last Updated:
ഫാസിൽ റസാക്ക് സംവിധനം ചെയ്ത ചിത്രത്തിൽ പതിവിലും വിപരീതമായ ആത്മസംഘർഷങ്ങളിലൂടെ കടന്നു പോകുന്ന സ്ത്രീയെ അവതരിപ്പിക്കുകയായിരുന്നു ബീനയുടെ ചുമതല
51 വയസ്സുള്ള അങ്കണവാടി ടീച്ചർ ഗീത. ജീവിതത്തിലെ ഏറ്റവും ദുർബലമായ അവസ്ഥയിലൂടെ കടന്നു പോവുകയാണവർ. അവർ രണ്ടുതവണ വിവാഹിതയാവുകയും, വിവാഹമോചനം നേടിയവളുമാണ്. രണ്ട് വിവാഹങ്ങളിൽ നിന്നുള്ള രണ്ട് കുട്ടികളിൽ ആരും അമ്മയ്ക്കൊപ്പം താമസിക്കുന്നില്ല. തീരെ പ്രായം കുറഞ്ഞ രണ്ടാമത്തെ കുട്ടി അമ്മയോടൊപ്പം കഴിയാൻ ആഗ്രഹിക്കുന്നു, പക്ഷേ കോടതി തീരുമാനം മറ്റൊന്നായിരുന്നു. പ്രസവാനന്തര വിഷാദം കാരണം ആദ്യത്തെ കുഞ്ഞിനെ കൊല്ലാൻ ശ്രമിച്ച അമ്മ കൂടിയാണവർ. അവർ അത് ചെയ്തോ ചെയ്തില്ലയോ എന്ന് അറിയില്ല.
ഇത്രയും വേണമായിരുന്നു 'തടവ്' എന്ന സിനിമയിലൂടെ അഭിനയത്തിൽ അരങ്ങേറ്റം കുറിച്ച ബീന ആർ. ചന്ദ്രന് (Beena R. Chandran) അഭിനയിച്ച് പ്രതിഫലിപ്പിക്കാൻ. ഉള്ളൊഴുക്കുമായി ഉർവശി മികച്ച നടിയായപ്പോൾ, ഉള്ളിലെ വിസ്ഫോടനങ്ങളുമായി ജീവിച്ച ഗീതയെ അവതരിപ്പിച്ച ബീനയും ആ പുരസ്കാരം പങ്കിടാൻ അർഹയായി.
advertisement
തിയേറ്റർ മേഖലയിൽ നിന്നും സിനിമാലോകം സ്വീകരിച്ച പ്രതിഭയാണ് അധ്യാപികയായ ബീന. ഫാസിൽ റസാക്ക് സംവിധനം ചെയ്ത ഈ ചിത്രത്തിൽ പതിവിലും വിപരീതമായ ആത്മസംഘർഷങ്ങളിലൂടെ കടന്നു പോകുന്ന സ്ത്രീയെ അവതരിപ്പിക്കുകയായിരുന്നു ബീനയുടെ ചുമതല. ചുറ്റുമുള്ള ലോകവും, അടുപ്പമുള്ള മനുഷ്യരാലും ഒറ്റപ്പെടുന്ന ഗീതയുടെ പൊട്ടിറിത്തെയിലും ഉണ്ട് ആ വൈരുധ്യം.
'ദാരിദ്ര്യത്തിലൂടെയും രോഗപീഡയിലൂടെയും കടന്നു പോകുന്ന സ്ത്രീ ജീവിതത്തിന്റെ വിവിധ ഭാവങ്ങൾ അനായാസമായി അവതരിപ്പിച്ചതിനാണ്' ബീനയെ തേടി പുരസ്കാരമെത്തുന്നത്. മികച്ച നവാഗത സംവിധായകനുള്ള സംസ്ഥാന പുരസ്കാരം ഫാസിൽ റസാഖിന് സമ്മാനിച്ച ചിത്രം കൂടിയാണ് 'തടവ്'.
advertisement
Summary: Beena R. Chandran is a debutant leading lady in the Malayalam movie 'Thadavu'. Beena shared the state award for best actor with Urvashi in the 54th Kerala State Film Awards. Beena, a teacher by profession, portrayed the role of an Anganwadi teacher in the movie 'Thadavu', which entitled her for the award
സിനിമാ, ടെലിവിഷൻ, OTT ലോകത്തു നിന്നും ഏറ്റവും പുതിയ എന്റർടൈൻമെന്റ് വാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
August 16, 2024 1:47 PM IST
മലയാളം വാർത്തകൾ/ വാർത്ത/Film/
Film Awards | ആദ്യ ചിത്രം; ഉർവശിക്കൊപ്പം മികച്ച നടിയായി മാറിയ അദ്ധ്യാപികയായ ബീന ആർ. ചന്ദ്രൻ