RRR Movie | ഹോളിവുഡില്‍ നിന്ന് വരെ അഭിന്ദനമെത്തി; രാജമൗലി ചിത്രത്തെ പ്രശംസിച്ച് 'ക്യാപ്റ്റന്‍ അമേരിക്ക' രചയിതാവ്
- Published by:Arun krishna
- news18-malayalam
Last Updated:
ബാറ്റ്മാൻ ബിയോണ്ട്, ക്യാപ്റ്റൻ അമേരിക്ക തുടങ്ങിയ ചിത്രങ്ങളുടെ രചയിതാവായ ജാക്സൺ ലാൻസിങാണ് ആര്‍ആര്‍ആറിന് പ്രശംസയുമായി എത്തിയത്
റിലീസ് ചെയ്ത് മൂന്ന് മാസം പിന്നിട്ട ശേഷവും രാജമൗലി ചിത്രം ആര്‍ആര്‍ആര്‍ ജൈത്രയാത്ര തുടരുകയാണ്. തിയേറ്ററില്‍ നിന്ന് ഒടിടിയില്‍ എത്തിയ ശേഷവും സിനിമയയെയും അണിയറ പ്രവര്‍ത്തകരെയും അഭിനന്ദിച്ച് നിരവധി പേരാണ് സമൂഹമാധ്യമങ്ങളിലൂടെ രംഗത്തുവന്നത്. അവസാനം ഇന്ത്യയും കടന്ന് ഹോളിവുഡില്‍ നിന്ന് വരെ ചിത്രത്തിന് അഭിനന്ദനം എത്തിക്കഴിഞ്ഞു. ബാറ്റ്മാൻ ബിയോണ്ട്, ക്യാപ്റ്റൻ അമേരിക്ക തുടങ്ങിയ ചിത്രങ്ങളുടെ രചയിതാവായ ജാക്സൺ ലാൻസിങാണ് ആര്‍ആര്‍ആറിന് പ്രശംസയുമായി എത്തിയത്. ട്വീറ്ററിലൂടെയായിരുന്നു അദ്ദേഹത്തിന്‍റെ പ്രതികരണം.
“Hey Jackson, was RRR the best time you’ve ever had at the movies?”
Me: pic.twitter.com/dtseZUY5TX
— 𝙅𝘼𝘾𝙆𝙎𝙊𝙉 𝙇𝘼𝙉𝙕𝙄𝙉𝙂 (@JacksonLanzing) June 14, 2022
സ്വയം ചോദിക്കുന്ന ഒരു ചോദ്യം എന്ന രീതിയിലായിരുന്നു ട്വീറ്റ്. ഇതിന് ഉത്തരമെന്ന പോലെ രാംചരണിന്റെ ജിഫ് ചിത്രവും അദ്ദേഹം പങ്കുവെച്ചിട്ടുണ്ട്. രുധിരം രണം രൗദ്രത്തിന്റെ ഔദ്യോഗിക ട്വിറ്റർ പേജിൽ ലാൻസിങ്ങിന്റെ പോസ്റ്റ് റീ ട്വീറ്റ് ചെയ്തിട്ടുണ്ട്. മറ്റൊരു ദിവസം… അഭിനന്ദനങ്ങളുടെ മറ്റൊരു റൗണ്ട് എന്നാണ് ടീം ആര്‍ആര്‍ആര്‍ കുറിച്ചിരിക്കുന്നത്.
advertisement
Another day, another round of applause for #RRR… ❤️🙌🏻
From the writer of DC’s Batman Beyond and MARVEL Comics’ Captain America, Kang and more… #RRRMovie https://t.co/tEZPVf9kEt
— RRR Movie (@RRRMovie) June 14, 2022
ജൂനിയര്‍ എന്‍ടിആര്‍, രാംചരണ്‍, ആലിയഭട്ട്, അജയ് ദേവ്ഗണ്‍ എന്നിവര്‍ പ്രധാന വേഷത്തിലെത്തിയെ ചിത്രം ആയിരം കോടിയിലേറെ കളക്ഷനാണ് നേടിയത്. അല്ലൂരി സീതാരാമരാജു, കൊമരം ഭീം എന്നീ കഥാപാത്രങ്ങളായാണ് രാംചരണും ജൂനിയര്‍ എന്‍ടിആറും ചിത്രത്തിലെത്തിയത്.
സിനിമാ, ടെലിവിഷൻ, OTT ലോകത്തു നിന്നും ഏറ്റവും പുതിയ എന്റർടൈൻമെന്റ് വാർത്തകൾക്കായി News18 മലയാളത്തിനൊപ്പം വരൂ
Location :
First Published :
June 14, 2022 7:05 PM IST
മലയാളം വാർത്തകൾ/ വാർത്ത/Film/
RRR Movie | ഹോളിവുഡില്‍ നിന്ന് വരെ അഭിന്ദനമെത്തി; രാജമൗലി ചിത്രത്തെ പ്രശംസിച്ച് 'ക്യാപ്റ്റന്‍ അമേരിക്ക' രചയിതാവ്
