അമിതാഭ് ബച്ചനെ 'ഡോൺ' ആക്കിയ സംവിധായകൻ ചന്ദ്ര ബരോട്ട് അന്തരിച്ചു

1978-ൽ പുറത്തിറങ്ങിയ അമിതാഭ് ബച്ചന്റെ ക്ലാസിക് ചിത്രം 'ഡോൺ' സംവിധാനം ചെയ്തത് ചന്ദ്ര ബരോട്ടായിരുന്നു. ദക്ഷിണാഫ്രിക്കയിലെ ടാൻസാനിയയിലാണ് ചന്ദ്ര ബരോട്ട് ജനിച്ചത്. പിന്നീട് ഇന്ത്യയിലേക്ക് താമസം മാറുകയായിരുന്നു. ഇതിന് ശേഷമാണ് ഇന്ത്യൻ സിനിമയിലേക്ക് പ്രവേശിക്കുന്നത്.

സംവിധാന രം​ഗത്തേക്ക് പ്രവേശിച്ചത് ബച്ചനെ നായകനാക്കിയുള്ള ഡോൺ എന്ന ചിത്രത്തിലൂടെ തന്നെയായിരുന്നു. ഹം ബജ ബജാ ദേംഗേ, പ്യാർ ബാരാ ദിൽ, അശ്രിതാ തുടങ്ങിയ ചിത്രങ്ങളും സംവിധാനം ചെയ്തിട്ടുണ്ട്. 1989-ൽ അദ്ദേഹം ബംഗാളി ചിത്രമായ ആശ്രിത സംവിധാനം ചെയ്തു. ഇതിന് 3 കോടിയോളം രൂപ വരുമാനമായി ലഭിച്ചു. 1991-ൽ പ്യാർ ഭാര ദിൽ സംവിധാനം ചെയ്തു.