'കൃഷ്ണപ്രിയ എന്ന പൊന്നുമോളുടെ അടുത്ത് അദ്ദേഹം എത്തുന്നത് അവൾക്കുവേണ്ടി കരുതിയ മിഠായിയും കുപ്പിവളകളുമായി'; ശങ്കരനാരായണന്റെ മരണത്തിൽ സംവിധായകൻ

പെൺമക്കളുള്ള അച്ഛനമ്മമാർക്ക് എന്നും വീരപുരുഷനാണ് ശങ്കരനാരായണൻ. തന്റെ 13 വയസ് മാത്രം പ്രായമുള്ള മകളെ ഇരുട്ടിന്റെ മറവിൽ പിച്ചിചീന്തിയ നരാധമനെ തക്കം പാർത്തിരുന്ന് വെടിവെച്ച് കൊന്ന ഹീറോ. നിയമവ്യവസ്ഥിതിക്ക് മുന്നിൽ ഇത്തരം പ്രവർത്തികൾ ചോദ്യം ചെയ്യപ്പെടുമെങ്കിലും ഇന്നും നമുക്ക് ചുറ്റും വലിച്ചുകീറപ്പെടുന്ന ഓരോ പെൺമക്കളുടെ ഉറ്റവരും ഒരു നിമിഷമെങ്കിലും ശങ്കരനാരായണനെ പോലെ മനസ്സിൽ ചിന്തിക്കാതിരിക്കില്ല.ഇപ്പോഴിതാ ‌‌ശങ്കരനാരായണന്റെ വിയോ​ഗത്തിനു പിന്നാലെ ആ ജീവിതം വൈരം എന്ന സിനിമയിലൂടെ പ്രേക്ഷകർക്ക് മുന്നിലെത്തിച്ച സംവിധായകൻ എം എ നിഷാദ് അദ്ദേഹത്തക്കുറിച്ചെഴുതിയ വാക്കുകളാണ് സോഷ്യൽമീഡിയയിൽ ശ്രദ്ധയാകുന്നത്.