ഇതാണാ ചിത്രം; നടൻ ഇന്നസെന്റിന്റെ കൊച്ചുമകൻ ഇന്നസെൻ്റ് സോണെറ്റ് വേഷമിടുന്ന ചിത്രം 'ഹായ് ഗൈസ്'

'ഡ്യൂപ്ലിക്കേറ്റ് അല്ല ഒറിജിനലാ' എന്ന ഡയലോഗ് കഴിഞ്ഞ കുറച്ചു ദിവസങ്ങളായി സോഷ്യൽ മീഡിയയിൽ വൈറലാണ്. നടൻ ഇന്നസെന്റിന്റെ കൊച്ചുമകനായ ജൂനിയർ ഇന്നസെന്റിന്റെ സിനിമാ പ്രവേശവുമായി ബന്ധപ്പെട്ട പരിപാടിയിലായിരുന്നു ഈ പരാമർശം. നടൻ ഇന്നസെൻ്റിൻ്റെ കൊച്ചുമകൻ ഇന്നസെൻ്റ് സോണെറ്റ്, നടൻ ടിനി ടോമിൻ്റെ മകൻ ആദം ഷെം ടോം, നിർമ്മാതാവും നടനുമായ ബാദുഷയുടെ മകൻ സാഹിർ ബാദുഷ, അക്വാ ടോണി എന്നിവരെ പ്രധാന കഥാപാത്രങ്ങളാക്കി ഐ.എം. എലിയാസ് തിരക്കഥയെഴുതി സംവിധാനം നിർവ്വഹിക്കുന്ന 'ഹായ് ഗയ്സ്' (Hai Guys) എന്ന സിനിമയുടെ പൂജാ കർമ്മം, തൃശൂർ പുതുക്കാട് വച്ച് നടന്നു.