ഹന്നാ റെജി കോശിയുടെ ബോഡി ആർട്ടിന്റെ പേരിൽ ശ്രദ്ധേയമായ 'ഫെയ്‌സസ്' മാർച്ചിൽ റിലീസിനൊരുങ്ങുന്നു

കലേഷ് രാമാനന്ദും, ഹന്നാ റെജി കോശിയും പ്രധാന വേഷങ്ങളിലെത്തുന്ന റൊമാന്റിക് ത്രില്ലർ ചിത്രം 'ഫെയ്‌സസ്' മാർച്ച്‌ 6 ന് തീയേറ്ററുകളിൽ എത്തുന്നു. നിർമാണഘട്ടത്തിലിരിക്കെ ഹന്നാ റെജി കോശിയുടെ ബോഡി ആർട്ട് വീഡിയോയുടെ പേരിൽ ശ്രദ്ധേയമായ ചിത്രമാണ് 'ഫെയ്‌സസ്'. ശ്രീ അങ്കാളമ്മൻ ഫിലിംസിന്റെ ബാനറിൽ മുരുകേശൻ, റോച്ച് ആരോക്യരാജ് എന്നിവർ ചേർന്ന് നിർമ്മിക്കുന്ന പുതിയ ചിത്രത്തിന്റെ സെക്കന്റ്‌ ലുക്ക്‌ പോസ്റ്റർ പുറത്തിറങ്ങി. നവാഗതനായ നീലേഷ് ഇ.കെയാണ് ചിത്രം സംവിധാനം ചെയ്തിരിക്കുന്നത്. സുമൻ സുദർശനനും, നീലേഷും ചേർന്ന് കഥ, തിരക്കഥ, സംഭാഷണം നിർവഹിച്ചിരിക്കുന്ന ചിത്രത്തിന്റെ സംഗീതം നിർവഹിക്കുന്നത് ഗോപി സുന്ദറാണ്. ബി.കെ. ഹരിനാരായണന്റെതാണ് വരികൾ.