പാകിസ്ഥാനി അഭിനേതാക്കൾക്കും കലാപ്രവർത്തകർക്കും ഓൾ ഇന്ത്യൻ സിനി വർക്കേഴ്സ് അസോസിയേഷന്റെ 'കടക്കു പുറത്ത്'

ഭീകരാക്രമണത്തിന് പിറകെ പാക് കലാകാരന്മാരെ ബഹിഷ്‌ക്കരിക്കണമെന്ന ആവശ്യം ശക്തമായി ഉയർന്നു വന്ന സാഹചര്യത്തിലാണ് കടുത്ത നടപടിയുമായി അസോസിയേഷൻ മുന്നോട്ടു പോകുന്നത്. മഹാരഷ്ട്ര നവനിർമ്മാൺ സേനയുടെ (എം.എൻ.എസ്) ഫിലിം ഡിവിഷൻ, മ്യൂസിക് ലേബൽ കമ്പനികളോട് പാകിസ്ഥാൻ ആർട്ടിസ്റ്റുമാരോടുള്ള സഹകരണം അവസാനിപ്പിക്കണം എന്ന് ആവശ്യപ്പെട്ടിരുന്നു. ആതിഫ് അസ്‌ലം, രഹാത് ഫത്തേഹ് അലി ഖാൻ എന്നീ ഗായകരുടെ ഗാനങ്ങൾ ടി-സീരീസ് തങ്ങളുടെ യൂട്യൂബ് ചാനലിൽ നിന്നും നീക്കം ചെയ്തിരുന്നു.