ആളൊരുക്കം എവിടെ? ഉത്തരം പറയൂ ചലച്ചിത്ര അക്കാദമീ

തീർത്തും നിരാശാജനകമായ തഴയപ്പെടലായിരുന്നുവത്. ദേശീയ, സംസ്ഥാന അവാർഡുകൾ കരസ്ഥമാക്കിയ ആളൊരുക്കം ഇത്തവണത്തെ അന്താരാഷ്ട്ര ചലച്ചിത്ര മേളയിൽ ഇടം പിടിക്കാതെ പോയി. എന്നാൽ ചിത്രത്തെ സ്നേഹിക്കുന്ന പ്രേക്ഷകർ അടങ്ങിയിരുന്നില്ല. മേളയുടെ ഔദ്യോഗിക പേജിൽ മലയാള ചലച്ചിത്രങ്ങൾ തിരഞ്ഞെടുത്ത പട്ടികയുടെ താഴെ കമന്റ് കാമ്പെയ്ൻ നടത്തുകയാണവർ. ആളൊരുക്കം എന്തു കൊണ്ടില്ല എന്ന ചോദ്യമാണു പല രൂപത്തിൽ, വാക്യങ്ങളായി ഇവിടെ പ്രത്യക്ഷപ്പെടുന്നത്. മത്സര വിഭാഗത്തിലുൾപ്പെടെ 12 ചിത്രങ്ങളാണു മലയാളത്തിൽ നിന്നും തിരഞ്ഞെടുക്കപ്പെട്ടിരിക്കുന്നത്. വാണിജ്യ മൂല്യമുള്ള സിനിമകൾക്കു വരെ ഇടം കൊടുത്തപ്പോൾ ആളൊരുക്കത്തെ നിർദാക്ഷണ്യം തഴയുകയായിരുന്നു.