ജയസൂര്യയെ ഇനി വെള്ളത്തിൽ കാണാം

ഇന്ത്യൻ ഫുട്ബോൾ ചരിത്രത്തിലെ നിർണായക സാന്നിധ്യമായിരുന്നു മുൻ ഇന്ത്യൻ ഫുട്ബോൾ ക്യാപ്റ്റൻ വി.പി.സത്യൻ. കാൽപ്പന്തു കളിക്കായി ജീവിതം തന്നെ അർപ്പിച്ച ഒരു വലിയ കായികതാരം. പ്രജേഷ് സെനിന്റെ സംവിധാനത്തിൽ ജയസൂര്യ നായകനായി എത്തിയ ക്യാപ്റ്റൻ എന്ന ചിത്രത്തിനു പ്രമേയമായത് ഈ അതുല്യ പ്രതിഭയുടെ ജീവിതമായിരുന്നു. അതെന്തിന് ഇവിടെ പറയുന്നു എന്ന് ചിന്തിച്ചാൽ ഉത്തരം ഇതാണ്. ക്യാപ്റ്റൻ തിയേറ്ററിലെത്തിയിട്ട് ഒരു വർഷം തികയുന്നു. ആ വാർഷികത്തിന് മറ്റൊരു വാർത്തയുമായാണ് നായകൻ ജയസൂര്യയും, സംവിധായകൻ പ്രജേഷ് സെന്നും എത്തുന്നത്. ആ നായകനും സംവിധായകനും ഒന്നിക്കുകയാണ്. വെള്ളം എന്നാണ് പുതിയ ചിത്രത്തിന് പേര്.