Sabaash Chandrabose review | ഒരു ദൂരദർശൻ കാലത്തെ രസക്കാഴ്ചകളുമായി 'സബാഷ് ചന്ദ്രബോസ്'

Sabaash Chandrabose review | സൗകര്യപ്രദമായി കൈപ്പിടിയിലൊതുങ്ങുന്ന ദീർഘചതുരാകൃതിയിലെ സ്മാർട്ട് ഫോണിൽ നെടുകെയും കുറുകെയും വിരൽ കൊണ്ട് വരച്ച് ലോകം കാണുന്ന കാലത്ത് നിന്നും ഒരു ചെറിയ ട്രങ്ക് പെട്ടിയോളം വലുപ്പത്തിൽ മിന്നിമിന്നിത്തെളിയുന്ന, ചിലപ്പോൾ ഇടതടവില്ലാതെ കാഴ്ച തരുന്ന ടി.വി. കാലത്തേക്ക് മടങ്ങിപ്പോകാൻ ആഗ്രഹം തോന്നിയിട്ടുണ്ടോ? ആഗ്രഹമില്ലെങ്കിലും, അങ്ങനെയൊരു കാലത്തെക്കുറിച്ച് എപ്പോഴെങ്കിലുമെല്ലാം മനസ്സിനുള്ളിൽ ഒരു ഫ്ലാഷ്ബാക്ക് അടിച്ചിട്ടുണ്ടാവില്ലേ? കുറഞ്ഞ പക്ഷം അതൊരു 'ട്രെൻഡ്' ആയിരുന്ന കാലത്ത് ജീവിച്ചവരെങ്കിലും ഓർക്കാറില്ലേ?