ഉണ്ണി മുകുന്ദൻ നായകനാവുന്ന മേപ്പടിയാൻ

ഉണ്ണി മുകുന്ദൻ നായകനാവുന്ന പുതിയ ചിത്രം മേപ്പടിയാൻ പ്രഖ്യാപിച്ചു. നടൻ ജയസൂര്യയുടെ ഫേസ്ബുക് പേജിലായിരുന്നു ചിത്രത്തിന്റെ അണിയറക്കാരുടെയുൾപ്പെടെ വിവരങ്ങളുമായി വീഡിയോ രൂപത്തിൽ പ്രഖ്യാപനം ഉണ്ടായത്. c/o സൈറാ ഭാനു, സൺ‌ഡേ ഹോളിഡേ, ബി.ടെക്, ഓർമ്മയിൽ ഒരു ശിശിരം തുടങ്ങിയ ചിത്രങ്ങൾ നിർമ്മിച്ച സംഘത്തിന്റേതാണ് മേപ്പടിയാൻ. വിഷ്ണു മോഹൻ ആണ് സംവിധാനം. സൈജു കുറുപ്, കലാഭവൻ ഷാജോൺ, ലെന, കുണ്ടറ ജോണി, ഹരീഷ് കണാരൻ, അലെൻസിയർ, ശ്രീനിവാസൻ എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുക.