Yogi Babu | 'ഗുരുവായൂർ അമ്പലനടയിൽ' ചേരാൻ യോഗി ബാബുവും

പുതുവർഷപ്പിറവിയിൽ പ്രഖ്യാപിക്കപ്പെട്ട പൃഥ്വിരാജ്, ബേസിൽ ജോസഫ് ചിത്രം ‘ഗുരുവായൂരമ്പല നടയിൽ’ കൂടുതൽ താരങ്ങളുമായി മുന്നോട്ട്. നടൻ യോഗി ബാബു (Yogi Babu) സിനിമയുടെ ഭാഗമാവാൻ ജോയിൻ ചെയ്തു കഴിഞ്ഞു. ‘ഒരു വർഷം മുൻപ് കേട്ടപ്പോൾ മുതൽ ചിരിപടർത്തുന്ന കഥ’ എന്നായിരുന്നു പൃഥ്വിരാജ് ഈ സിനിമയെ വിശേഷിപ്പിച്ചത്. ‘ജയ ജയ ജയ ജയ ഹേ’ ഒരുക്കിയ വിപിൻ ദാസാണ് സംവിധാനം. ‘കുഞ്ഞിരാമായണം’ സിനിമയ്ക്ക് ശേഷം ദീപു പ്രദീപ് രചന നിർവഹിക്കുന്ന ചിത്രം കൂടിയാണിത്. പൃഥ്വിരാജിന്റെ നിർമാണ കമ്പനിയും E4 എന്റർടൈൻമെന്റും ചേർന്നാണ് നിർമാണം.