ചിൽഡ്രൻസ് പാർക്ക്: ഷാഫിയും റാഫിയും വീണ്ടും

മായാവി, ടു കൺട്രീസ് എന്നീ ചിത്രങ്ങൾക്കു ശേഷം ഷാഫിയും റാഫിയും ഒന്നിക്കുന്ന ചിത്രത്തിന്റെ ഷൂട്ടിംഗ് മൂന്നാറിൽ തുടങ്ങി. ഷറഫുദീൻ, വിഷ്ണു ഉണ്ണികൃഷ്ണൻ, ധ്രുവ് എന്നിവർ നായകന്മാരാവുന്നു. ചിൽഡ്രൻസ് പാർക്കെന്നു പേരിട്ടിരിക്കുന്ന ചിത്രത്തിൽ നായികമാർ ഗായത്രി സുരേഷ്, മാനസാ രാധാകൃഷ്ണൻ, സൗമ്യ മേനോൻ എന്നിവരാണു. പേരു പോലെ കുട്ടികളും പ്രധാന കഥാപാത്രങ്ങളെ അവതരിപ്പിക്കുന്നു. 75ഓളം കുട്ടികളാവും സിനിമയുടെ ഭാഗമാവുക.