'കെജിഎഫ് 2' എത്തിയിട്ട് 844 ദിനങ്ങൾ; യാഷ് ഇനി ഗീതു മോഹൻദാസിന്റെ ടോക്‌സിക്കിൽ
- Published by:meera_57
- news18-malayalam
Last Updated:
യാഷുമായി എട്ടാം നമ്പറിന് ശക്തമായ ബന്ധമുണ്ട്
ഓരോ അപ്‌ഡേറ്റിലും പ്രേക്ഷകകരുടെ ആവേശം വാനോളം ഉയർത്തിയ ഗീതു മോഹൻദാസ് സംവിധാനം ചെയ്യുന്ന യാഷ് ചിത്രം 'ടോക്സിക് എ ഫെയറി ടെയിൽ ഫോർ ഗ്രോൺ-അപ്‌സിന്റെ' (Toxic: A fairy Tale for the Grown Ups) ചിത്രീകരണം ആരംഭിച്ചു. 'കെജിഎഫ് 2' എത്തിയിട്ട് 844 ദിനങ്ങൾ കഴിയുമ്പോളാണ് 'ടോക്സിക്' ചിത്രീകരണം ആരംഭിക്കാനായി യാഷ് തയാറാകുന്നത്. 2023 ഡിസംബര്‍ 8 ന് ഔദ്യോഗികമായി പ്രഖ്യാപിക്കപ്പെട്ട ചിത്രമാണ് ടോക്സിക്. ഗീതു മോഹൻദാസ് സംവിധാനം ചെയ്യുന്ന ചിത്രം 2024 ഓഗസ്റ്റ് 8 ന് (8-8-8) ബാംഗ്ലൂരിൽ ചിത്രീകരണം ആരംഭിച്ചു.
ഏറെ പ്രത്യേകതയുള്ള തീയതി 8-8-8 ആണ് ചിത്രീകരണം. 'റോക്കിംഗ് സ്റ്റാർ' യാഷുമായി എട്ടാം നമ്പറിന് ശക്തമായ ബന്ധമുണ്ട്. ടോക്സിക്: എ ഫെയറി ടെയിൽ ഫോർ ഗ്രൗൺ-അപ്‌സിന്റെ ഔദ്യോഗിക പ്രഖ്യാപനം നടത്തിയ അദ്ദേഹത്തിന്റെ ജനനത്തീയതിയും തീയതിയുമായി ഇത് പൊരുത്തപ്പെടുന്നു.
ചിത്രീകരണത്തിന് മുന്നോടിയായി യാഷ്, നിർമ്മാതാവ് വെങ്കട്ട് കെ. നാരായണയ്ക്കും അവരുടെ കുടുംബത്തിനുമൊപ്പം കർണാടകയിലെ നിരവധി ക്ഷേത്രങ്ങൾ സന്ദർശിച്ചു. ശ്രീ സദാശിവ രുദ്ര സൂര്യ ക്ഷേത്രം, ധർമ്മസ്ഥലയിലെ ശ്രീ മഞ്ജുനാഥേശ്വര ക്ഷേത്രം, കർണാടകയിലെ സുബ്രഹ്മണ്യയിലെ കുക്കെ സുബ്രഹ്മണ്യ ക്ഷേത്രം എന്നിവിടങ്ങളിലായിരുന്നു ദർശനം നടത്തിയത്‌. യാഷിന്റെ ടോക്‌സികിന്റെ മറ്റു താരങ്ങളെക്കുറിച്ചും അണിയറപ്രവർത്തകരെക്കുറിച്ചുമുള്ള ഒഫീഷ്യൽ പ്രഖ്യാപനത്തിനായി കാത്തിരിക്കുകയാണ് സിനിമാ ലോകം. പി.ആർ.ഒ.- പ്രതീഷ് ശേഖർ.
advertisement
Summary: Actor Yash begins shooting of his next movie Toxic, directed by Geetu Mohandas. Yash joins the new movie after KGF Chapter 2 completes 844 days after release. The film was announced on December 8, 2023
സിനിമാ, ടെലിവിഷൻ, OTT ലോകത്തു നിന്നും ഏറ്റവും പുതിയ എന്റർടൈൻമെന്റ് വാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
August 08, 2024 12:29 PM IST
മലയാളം വാർത്തകൾ/ വാർത്ത/Film/
'കെജിഎഫ് 2' എത്തിയിട്ട് 844 ദിനങ്ങൾ; യാഷ് ഇനി ഗീതു മോഹൻദാസിന്റെ ടോക്‌സിക്കിൽ
