ARM | മണിയന് അന്ന് എന്ത് സംഭവിച്ചു? ഒരു വർഷത്തിന് ശേഷം 'അജയന്റെ രണ്ടാം മോഷണം' ഡിലീറ്റഡ് സീൻ

ചിയോതിക്കാവിലെ വീരൻ മണിയനെ മലയാളി ഹൃദയങ്ങൾ ഏറ്റെടുത്തിട്ട് ഒരു വർഷം. 'അജയന്റെ രണ്ടാം മോഷണം' എന്ന സിനിമയിലൂടെ കരിയറിലെ ട്രിപ്പിൾ റോൾ അഭിനയിച്ച് റെക്കോർഡ് ഇട്ടിരുന്നു നടൻ ടൊവിനോ തോമസ് (Tovino Thomas). മൂന്നു തലമുറകളിലെ പിന്തുടർച്ചക്കാരെ അവതരിപ്പിച്ചു കൊണ്ടാണ് ടൊവിനോ ഈ സിനിമ പൂർത്തിയാക്കിയത്. സിനിമയിൽ മണിയന്റെ പോക്കിൽ അൽപ്പം നെഞ്ച് പിടഞ്ഞവരും ഉണ്ടാകാം. എന്നാൽ, മണിയന് എന്ത് സംഭവിച്ചു എന്ന് പരിശോധിക്കുന്ന ഒരു ഭാഗം സിനിമയിൽ നിന്നും ഡിലീറ്റ് ചെയ്തിരുന്നു. ഒന്നാം വാർഷികത്തിൽ ആ രംഗം അണിയറയിൽ നിന്നും പുറത്തേക്ക്. മണിയന്റെ കൂട്ടുകാരനായ ജഗദീഷ് കഥാപാത്രം കൊല്ലൻ നാണുവും മണിയനും കൂടിയുള്ള സംഭാഷണമാണ് പുറത്തുവന്നിട്ടുള്ളത്. നവാഗതനായ ജിതിൻ ലാൽ സംവിധാനം നിർവഹിച്ച ചിത്രമാണ് അജയന്റെ രണ്ടാം മോഷണം. ചിത്രം അന്താരാഷ്ട്ര തലത്തിൽ ശ്രദ്ധിക്കപ്പെട്ടു കഴിഞ്ഞു.