ധ്യാൻ ശ്രീനിവാസന്റെ ഡിറ്റക്ടീവ് ഉജ്ജ്വലൻ; കൗതുകമായി 'ഇരട്ട' സംവിധായകരും 'ഇരട്ട' ഛായാഗ്രാഹകരും

ധാരാളം കൗതുകങ്ങളുമായി ഒരുങ്ങുന്ന മലയാള ചിത്രമാണ് 'ഡിറ്റക്ടീവ് ഉജ്ജ്വലൻ' (Detective Ujjwalan). കൗതുകമുണർത്തുന്ന ടൈറ്റിൽ മലയാളത്തിലെ നിർമ്മാണ സ്ഥാപനമായ വീക്കെൻഡ് ബ്ലോക്കബ്സ്റ്റേഴ്‌സിന്റെ ബാനറിൽ സോഫിയാ പോൾ നിർമ്മിക്കുന്ന ചിത്രം സംവിധാനം ചെയ്യുന്നത് രാഹുൽ ജി., ഇന്ദ്രനീൽ ഗോപീകൃഷ്ണൻ എന്നിവരാണ്. ഇരട്ട സംവിധായകർ എന്ന് ഇവരെ വിളിക്കാം. വിദ്യാഭ്യാസം മുതൽ ഒന്നിച്ചു പ്രവർത്തിച്ചു പോന്നവരാണ് രാഹുലും, ഇന്ദ്രനീലും. അവർ കർമ്മമേഖലയിലേക്കു കടന്നപ്പോഴും ഒന്നിച്ചു തന്നെ പ്രവർത്തിക്കണമെന്ന അവരുടെ നിശ്ചയമാണ് ഇരുവരേയും ഒന്നിച്ചു നിർത്തിയതും.