ഐ.പി.എൽ. ചൂട് മേപ്പടിയാൻ സെറ്റിലേക്കും; ക്രിക്കറ്റ് കളിയുമായി ഉണ്ണി മുകുന്ദനും അഞ്ചു കുര്യനും

ഒരു മുഴുനീള ഫാമിലി എന്റെർറ്റൈനെർ സിനിമയിൽ ജയകൃഷ്ണൻ എന്നെയൊരു നാട്ടിൻപുറത്ത്കാരന്റെ കഥാപാത്രമായാണ് ഉണ്ണി സ്‌ക്രീനിലെത്തുക. ഈരാറ്റുപേട്ട, പാലാ എന്നിവിടങ്ങളിലെ 48 ലൊക്കേഷനുകളിലാവും ചിത്രീകരണം. ഇന്ദ്രൻസ്, സൈജു കുറുപ്, അജു വർഗീസ്, അഞ്ചു കുര്യൻ, വിജയ് ബാബു, മേജർ രവി, കലാഭവൻ ഷാജോൺ, അപർണ ജനാർദ്ദനൻ, നിഷ സാരംഗ്, കുണ്ടറ ജോണി, ശ്രീജിത്ത് രവി, കോട്ടയം രമേശ്, പൗളി വിൽ‌സൺ, കൃഷ്ണ പ്രസാദ്, മനോഹരി അമ്മ തുടങ്ങിയവരാണ് മറ്റു അഭിനേതാക്കൾ. വിദ്യാരംഭ ദിനത്തിൽ ചിത്രീകരണം ആരംഭിച്ചു.

വിഷ്ണു മോഹനാണ് ചിത്രത്തിന്റെ രചയിതാവും സംവിധായകനും. രാഹുൽ സുബ്രമണ്യൻ സംഗീത സംവിധാനം നിർവഹിക്കുന്നു.

ഈ ചിത്രത്തിനായി ഉണ്ണി മുകുന്ദൻ സിക്സ് പാക്ക് ലുക്ക് വെടിഞ്ഞ് ശരീരഭാരം വർധിപ്പിച്ചിരുന്നു. തിയേറ്റർ റിലീസ് ലക്‌ഷ്യം വച്ച് ഷൂട്ടിംഗ് പുരോഗമിക്കുന്ന ചിത്രമാണ് ഉണ്ണി മുകുന്ദന്റെ മേപ്പടിയാൻ. ഈ സിനിമ തിയേറ്ററിൽ തന്നെയാവും റിലീസ് ചെയ്യുക എന്ന് അണിയറപ്രവർത്തകർ ശുഭാപ്തിവിശ്വാസത്തിലാണ്.