'ഇന്ത്യൻ സമൂഹത്തിനു നൽകുന്ന പിന്തുണയ്ക്ക് നന്ദി';സൗദി കിരീടാവകാശിയുമായി പ്രധാനമന്ത്രി മോദി സംസാരിച്ചു

പശ്ചിമേഷ്യയിൽ രൂക്ഷമാകുന്ന സംഘർഷം മേഖലയുടെ സുസ്ഥിരതയ്ക്കും സമുദ്ര സുരക്ഷയ്ക്കും ഉണ്ടാക്കുന്ന പ്രത്യാഘാതങ്ങളെക്കുറിച്ച് ഇരു നേതാക്കളും ചർച്ച ചെയ്തു. മേഖലയിലെ പ്രധാന ഊർജ്ജ ഇൻഫ്രാസ്ട്രക്ചറുകൾക്ക് നേരെ നടക്കുന്ന ആക്രമണങ്ങളിൽ താൻ ആശങ്ക അറിയിച്ചതായും വിഷയത്തിൽ ഇന്ത്യയുടെ നിലപാട് ആവർത്തിച്ചതായും എക്‌സിലെ കുറിപ്പിൽ മോദി വ്യക്തമാക്കി.

കപ്പൽ പാതകളുടെയും വ്യാപാര മാർഗങ്ങളുടെയും സുരക്ഷയെക്കുറിച്ച് ആശങ്കകൾ വർദ്ധിക്കുന്ന സാഹചര്യത്തിൽ, മേഖലയിലെ തടസ്സമില്ലാത്ത സമുദ്ര ഗതാഗതം ഉറപ്പാക്കേണ്ടതിന്റെ പ്രാധാന്യത്തെക്കുറിച്ച് ഇരു നേതാക്കളും സംസാരിച്ചു. കപ്പൽ ഗതാഗതത്തിനുള്ള സ്വാതന്ത്ര്യം ഉറപ്പാക്കേണ്ടതിന്റെയും ചരക്ക് നീക്കത്തിനുള്ള പാതകൾ സുരക്ഷിതമായി തുറന്നു കൊടുക്കേണ്ടതിന്റെയും ആവശ്യകതയിൽ ഇരു നേതാക്കളും ഒരേ നിലപാടാണ് സ്വീകരിച്ചത്.

ഇന്ത്യയുടെ സാമ്പത്തികവും തന്ത്രപരവുമായ താൽപ്പര്യങ്ങളിൽ നിർണ്ണായകമായ ഗൾഫ് മേഖലയിൽ ഇന്ത്യ നടത്തുന്ന നയതന്ത്ര നീക്കങ്ങളുടെ ഭാഗമാണ് ഈ ചർച്ച.