കഅബയുടെ താക്കോൽ സൂക്ഷിപ്പുകാരൻ ഷേഖ് സാലിഹ് അൽ ഷൈബി അന്തരിച്ചു
- Published by:Rajesh V
- news18-malayalam
Last Updated:
കഅബയുടെ 109ാമത്തെ സംരക്ഷകനായിരുന്നു സാലിഹ് ബിന് സൈനുല് ആബിദീന് അല് ഷൈബി
മക്ക: കഅബയുടെ താക്കോല് സൂക്ഷിപ്പുകാരന് ഷേഖ് സാലിഹ് ബിന് സൈനുല് ആബിദീന് അല് ഷൈബി (74) അന്തരിച്ചു. വെള്ളിയാഴ്ച മക്കയിലായിരുന്നു അന്ത്യം. യൂണിവേഴ്സിറ്റി പ്രൊഫസറായി വിരമിച്ച അദ്ദേഹം മതവും ചരിത്രവും സംബന്ധിച്ച് ഒട്ടേറെ പുസ്തകങ്ങള് പ്രസിദ്ധീകരിച്ചിരുന്നു. കഅബയുടെ 109ാമത്തെ സംരക്ഷകനായിരുന്നു സാലിഹ് ബിന് സൈനുല് ആബിദീന് അല് ഷൈബി.
പാരമ്പര്യമായി കൈമാറി കിട്ടിയതാണ് വിശുദ്ധ ഗേഹത്തിന്റെ താക്കോൽ സൂക്ഷിപ്പ് ചുമതല. ഇസ്ലാമിക കാലഘട്ടം മുതല് ഷൈബിയുടെ കുടുംബത്തിനാണ് കഅബയുടെ കാവല്ക്കാരുടെ ചുമതല നല്കിയിരിക്കുന്നത്. കുടുംബത്തിലെ മുതിര്ന്നയാള്ക്കാണ് സാധാരണ ചുമതല നല്കിവരുന്നത്. കഅബയുമായി ബന്ധപ്പെട്ട ചടങ്ങുകളുടെയും പ്രധാന കാർമികരിലൊരാളായിരുന്നു അല് ഷൈബി.
ശനിയാഴ്ച പുലർച്ചെ സുബഹി നമസ്കാരത്തോട് അനുബന്ധിച്ച് മക്ക മസ്ജിദുൽ ഹറാമിൽ മയ്യിത്ത് നമസ്കരിക്കുകയും മക്കയിലെ അൽ മുഅല്ല മഖ്ബറയിൽ ഖബറടക്കുകയും ചെയ്തു.
മക്കയിൽ ജനിച്ച ഷേഖ് സാലിഹ് ഇസ്ലാമിക പഠനത്തിൽ ഗവേഷണ ബിരുദം നേടി. മക്കയിൽ സർവകലാശാല പ്രൊഫസറായി സേവനം അനുഷ്ഠിച്ചു. മതവും ചരിത്രവുമായി ബന്ധപ്പെട്ട ഗ്രന്ഥങ്ങൾ രചിച്ചിട്ടുണ്ട്.
advertisement
പ്രവാചകന്റെ മക്ക വിജയത്തിന് ശേഷമാണ് അൽ ഷൈബി കുടുംബത്തിന് കഅബയുടെ കാവൽ ചുമതല ലഭിച്ചത്. കഅബയുടെ ശുചീകരണവും അറ്റകുറ്റപ്പണികൾ തീർക്കലും തുടങ്ങി മുഴുവൻ പരിചരണ ചുമതലയും അൽ ഷൈബി കുടുംബത്തിനാണ്.
Summary: The guardian of the holy Kaaba and Key keeper Dr. Saleh bin Zain Al-Abidin Al-Shaibi passed away. He was ill for a long time. He was the 109th Guardian of the Kaaba since the Conquest of Makkah.
Location :
New Delhi,New Delhi,Delhi
First Published :
Jun 22, 2024 5:42 PM IST
