ഇടിമിന്നലേറ്റവർക്ക് ചാണക ചികിത്സ; ചത്തീസ്ഗഢിൽ രണ്ടുപേർ മരിച്ചത് ചാണകക്കുഴിയിൽ മൂടിയതുകൊണ്ടെന്ന് റിപ്പോർട്ട്

റായ്പുർ: കഴിഞ്ഞ ദിവസം ഇടിമിന്നലേറ്റുണ്ടായ അപകടത്തിൽ രണ്ടുപേർ മരിച്ച സംഭവത്തിൽ കൂടുതൽ വിവരങ്ങൾ പുറത്ത്. ഗോത്രവിഭാഗത്തിന്‍റെ പ്രത്യേക ചാണകചികിത്സ മൂലമാണ് രണ്ടുപേർ മരിച്ചതെന്നാണ് ഇപ്പോൾ പുറത്തുവരുന്ന വിവരം. ഛത്തീസ്ഗഢിലെ ഗോത്രവർഗ ആധിപത്യമുള്ള ജാഷ്പൂർ ജില്ലയിലാണ് ഇടിമിന്നലേറ്റതിനെത്തുടർന്ന് ഒരു സ്ത്രീ ഉൾപ്പെടെ രണ്ടുപേർ മരിച്ചത്. ഇടിമിന്നലേറ്റ് ഗരുതരായി പരിക്കേറ്റ മൂന്നുപേരെ ചികിത്സയുടെ ഭാഗമായി ചില ഗ്രാമീണർ കഴുത്തറ്റം ചാണകത്തിൽ കുഴിച്ചിട്ടതായാണ് ആരോപണം. ഇവരെ പിന്നീട് ആശുപത്രിയിലേക്ക് മാറ്റിയെങ്കിലും രണ്ടുപേർ മരണപ്പെട്ടിരുന്നു. ഒരാളുടെ നില ഗുരുതരായി തുടരുകയാണ്.