advertisement

തമിഴ്‌നാട് ബിജെപി അധ്യക്ഷന്റെ മോശം പരാമർശത്തിനെതിരെ പ്രതികരിച്ച് നടി തൃഷ കൃഷ്ണൻ

Last Updated:

സംസ്ഥാനത്തെ രാഷ്ട്രീയ രംഗത്ത് ഉയർന്ന പദവിയിലിരിക്കുന്ന ഒരാളിൽ നിന്ന് ഇത്രയും മോശവും അനുചിതവുമായ ഒരു പ്രതികരണം താൻ ഒരിക്കലും പ്രതീക്ഷിച്ചിരുന്നില്ലെന്ന് തൃഷ പ്രസ്താവനയിൽ വ്യക്തമാക്കി.

News18
News18
തമിഴ്‌നാട് ബിജെപി നടൻ വിജയ്‌യെ പരിഹസിക്കുന്നതിനിടയിൽ തൃഷ കൃഷ്ണന്റെ പേര് അനാവശ്യമായി പരാമർശിച്ചതിനെതിരെ നടിയുടെ ടീം ഔദ്യോഗിക പ്രസ്താവന പുറത്തിറക്കി. വിജയ് യുടെ രാഷ്ട്രീയത്തിലുള്ള പരിചയക്കുറവിനെ പരിഹസിച്ചുകൊണ്ട് തമിഴ്‌നാട് ബിജെപി അധ്യക്ഷൻ നൈനാർ നാഗേന്ദ്രൻ നടത്തിയ പരാമർശങ്ങൾ വലിയ വിവാദത്തിനാണ് തിരികൊളുത്തിയത്.
വിജയ് വളരെ നിഷ്കളങ്കനാണെന്നും രാഷ്ട്രീയം മനസ്സിലാക്കാൻ അദ്ദേഹം തന്റെ കൂട്ടിൽ നിന്നും തൃഷയുടെ വീട്ടിൽ നിന്നും പുറത്തുവരണമെന്നുമായിരുന്നു നൈനാർ നാഗേന്ദ്രന്റെ വിവാദ പരാമർശം. വ്യക്തിപരമായ അധിക്ഷേപവും സ്ത്രീവിരുദ്ധതയുമാണ് ഇതെന്നും രാഷ്ട്രീയ ചർച്ചകളിലേക്ക് നടിയെ വലിച്ചിഴച്ചത് തെറ്റാണെന്നും ചൂണ്ടിക്കാട്ടി രാഷ്ട്രീയ നേതാക്കളും ആരാധകരും ബിജെപി അധ്യക്ഷനെതിരെ രംഗത്തെത്തി.
മാധ്യമങ്ങളിൽ പ്രചരിക്കുന്ന ഈ പരാമർശങ്ങൾ അങ്ങേയറ്റം അരോചകമാണെന്ന് തൃഷയുടെ പ്രതിനിധി പുറത്തിറക്കിയ വാർത്താക്കുറിപ്പിൽ പറഞ്ഞു. സംസ്ഥാനത്തെ രാഷ്ട്രീയ രംഗത്ത് ഉയർന്ന പദവിയിലിരിക്കുന്ന ഒരാളിൽ നിന്ന് ഇത്രയും മോശവും അനുചിതവുമായ ഒരു പ്രതികരണം താൻ ഒരിക്കലും പ്രതീക്ഷിച്ചിരുന്നില്ലെന്ന് തൃഷ പ്രസ്താവനയിൽ വ്യക്തമാക്കി. തനിക്ക് ഒരു രാഷ്ട്രീയ പാർട്ടിയുമായും ബന്ധമില്ലെന്നും ഭാവിയിൽ അതിന് താല്പര്യമില്ലെന്നും നടി കൂട്ടിച്ചേർത്തു. രാഷ്ട്രീയ കാര്യങ്ങളിൽ താൻ എപ്പോഴും നിഷ്പക്ഷമായ നിലപാടാണ് സ്വീകരിച്ചിട്ടുള്ളതെന്നും തന്റെ കലയിലൂടെ (അഭിനയം) അറിയപ്പെടാനാണ് താൻ ആഗ്രഹിക്കുന്നതെന്നും അവർ പറഞ്ഞു.
advertisement
വ്യക്തിജീവിതം ഒരിക്കലും പൊതുചർച്ചകൾക്കോ വിമർശനങ്ങൾക്കോ വിഷയമാക്കരുതെന്നും ഉത്തരവാദിത്തപ്പെട്ട സ്ഥാനങ്ങളിലിരിക്കുന്നവർ പൊതുവേദികളിൽ സംസാരിക്കുമ്പോൾ മിതത്വവും മാന്യതയും പുലർത്തണമെന്നും തൃഷ ഓർമ്മിപ്പിച്ചു. തനിക്ക് പങ്കില്ലാത്ത കാര്യങ്ങളിലേക്ക് തന്റെ പേര് വലിച്ചിഴയ്ക്കരുതെന്ന് നടി അഭ്യർത്ഥിച്ചു.
Click here to add News18 as your preferred news source on Google.
ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ദേശീയ വാർത്തകൾക്കായി News18 മലയാളത്തിനൊപ്പം വരൂ
മലയാളം വാർത്തകൾ/ വാർത്ത/India/
തമിഴ്‌നാട് ബിജെപി അധ്യക്ഷന്റെ മോശം പരാമർശത്തിനെതിരെ പ്രതികരിച്ച് നടി തൃഷ കൃഷ്ണൻ
Next Article
advertisement
വാടക 20,000 രൂപ, ജിമ്മിന് 12,000; മൂന്ന് ലക്ഷം ശമ്പളമുള്ള ബെംഗളൂരുവിലെ ഡാറ്റാ എഞ്ചിനീയറുടെ ചെലവുകണക്ക് വൈറൽ
വാടക 20,000 രൂപ, ജിമ്മിന് 12,000; മൂന്ന് ലക്ഷം ശമ്പളമുള്ള ബെംഗളൂരുവിലെ ഡാറ്റാ എഞ്ചിനീയറുടെ ചെലവുകണക്ക് വൈറൽ
  • ബെംഗളൂരുവിലെ ഡാറ്റാ എഞ്ചിനീയർ 3 ലക്ഷം ശമ്പളത്തിൽ 2,12,000 രൂപ ചെലവുകൾ വിശദമായി പങ്കുവെച്ചു

  • വാടക, ജിം, ഫ്ലാറ്റ് EMI, ഭക്ഷണം, നിക്ഷേപം തുടങ്ങി ചെലവുകളുടെ കണക്കുകൾ സോഷ്യൽ മീഡിയയിൽ വൈറൽ

  • മാതാപിതാക്കളുടെ ഫ്ലാറ്റ്, SIP നിക്ഷേപം, യാത്രാ ഫണ്ട് എന്നിവയാണ് പ്രധാന സാമ്പത്തിക ഉത്തരവാദിത്വങ്ങൾ.

View All
advertisement