കശ്മീരിൽ രണ്ടു ഭീകരരെ സൈന്യം വധിച്ചു; നുഴഞ്ഞുകയറ്റശ്രമം പരാജയപ്പെടുത്തി

ശ്രീനഗർ: കശ്മീരിൽ നുഴഞ്ഞുകയറാൻ ശ്രമിച്ച രണ്ട് ഭീകരരെ സൈന്യം വധിച്ചു. ശനിയാഴ്ച രാത്രിവരെ നീണ്ട ഓപ്പറേഷനിൽ പൂഞ്ചിലെ ബാലാകോട്ട് സെക്ടറിലാണ് ആയുധധാരികളായ രണ്ട് ഭീകരരെ ഇന്ത്യൻ സൈന്യം വധിച്ചത്. ശനിയാഴ്ച വൈകുന്നേരം ബാലാകോട്ട് സെക്ടറിലെ നിയന്ത്രണരേഖയിൽ സംശയാസ്പദമായി കണ്ട രണ്ടുപേർ സൈന്യത്തിനുനേരെ വെടിയെതിർക്കാൻ ശ്രമിച്ചതോടെയാണ് ഏറ്റുമുട്ടൽ ആരംഭിച്ചത്. രാത്രിവരെ നീണ്ട തിരച്ചിലിനൊടുവിൽ രണ്ടുപേരെ സൈന്യം വധിക്കുകയായിരുന്നു.