വിമാനക്കമ്പനികൾ 3,000 സർവീസുകൾ വെട്ടിക്കുറയ്ക്കുന്നു; ടിക്കറ്റ് നിരക്ക് കുത്തനെ ഉയരാൻ സാധ്യത

ഈ വേനലവധിക്കാലത്ത് വിനോദയാത്ര പ്ലാൻ ചെയ്യുന്നുണ്ടോ? എങ്കിൽ വിമാന ടിക്കറ്റുകൾ ഇപ്പോൾ തന്നെ ബുക്ക് ചെയ്യുന്നതാകും നല്ലത്. തിരക്കേറിയ യാത്രാ സീസൺ ആരംഭിക്കാനിരിക്കെ, ഇന്ത്യൻ വിമാനക്കമ്പനികൾ പ്രതിവാരം 3000ത്തോളം സർവീസുകൾ വെട്ടിക്കുറച്ചിരിക്കുകയാണ്. വിമാനങ്ങളുടെ ലഭ്യത കുറയുന്നതും ടിക്കറ്റ് നിരക്ക് കുത്തനെ ഉയരുന്നതും യാത്രക്കാർക്ക് വലിയ തിരിച്ചടിയാകും. വൈകുംതോറും കൂടുതൽ തുക നൽകേണ്ടി വരുമെന്ന് മാത്രമല്ല, ചിലപ്പോൾ സീറ്റ് പോലും ലഭിച്ചെന്ന് വരില്ല.