10 കോടിയുടെ സമ്മർ ബമ്പർ ഭാഗ്യശാലി പരപ്പനങ്ങാടി സ്വദേശി

കഴിഞ്ഞ മാസം 26-ന് കോയമ്പത്തൂരിലെ ക്ഷേത്രദർശനം കഴിഞ്ഞ് മടങ്ങുന്നതിനിടെ പാലക്കാട് വെച്ചാണ് പത്മനാഭൻ ഈ ടിക്കറ്റ് എടുത്തത്. സാധാരണയായി ലോട്ടറി എടുക്കുന്ന ശീലമില്ലാത്ത അദ്ദേഹം, ഒരു ബമ്പർ ടിക്കറ്റല്ലേ എന്ന് കരുതി മാത്രമാണ് ടിക്കറ്റ് വാങ്ങിയത്. കഴിഞ്ഞ എട്ടുവർഷമായി കോഴിച്ചെനയിലെ ഒരു സൂപ്പർമാർക്കറ്റിൽ ജോലി ചെയ്തുവരുന്ന പത്മനാഭൻ, ചൊവ്വാഴ്ച രാവിലെയാണ് താൻ കോടീശ്വരനായ വിവരം അറിയുന്നത്.

ഭാര്യ സ്മിതയും മക്കളായ ശ്രീഹരിയും പാർവണയും അടങ്ങുന്ന പത്മനാഭന്റെ കുടുംബം ഈ വലിയ സന്തോഷത്തിന്റെ ആഹ്ലാദത്തിലാണ്. സമ്മാനാർഹമായ ടിക്കറ്റ് അദ്ദേഹം ഇതിനോടകം തന്നെ എസ്.ബി.ഐ പരപ്പനങ്ങാടി ബ്രാഞ്ച് മാനേജർക്ക് കൈമാറിക്കഴിഞ്ഞു.