ചൈന ബന്ധം; രാജ്യത്ത് 138 വാതുവെപ്പ് ആപ്പുകളും 94 ലോൺ ആപ്പുകളും നിരോധിച്ച് കേന്ദ്ര സർക്കാർ

94 ആപ്പുകൾ ഇ-സ്റ്റോറിലും മറ്റ് സംവിധാനത്തിലൂടെയും പ്രവർത്തിക്കുന്നതായി കണ്ടെത്തിയിരുന്നു. പൗരന്മാരുടെ സുരക്ഷയ്ക്കും ആപ്പുകൾ വിവരങ്ങൾ ദുരുപയോഗം ചെയ്യുമെന്നും വൃത്തങ്ങൾ ന്യൂസ്18നോട് പ്രതികരിച്ചു . ഇൻഫർമേഷൻ ടെക്നോളജി നിയമത്തിലെ സെക്ഷൻ 19 എ പ്രകാരമാണ് ആപ്പുകൾ നിരോധിച്ചത്.

തെലങ്കാന, ഒഡീഷ, ഉത്തർപ്രദേശ് എന്നീ സംസ്ഥാനങ്ങളും ഈ ആപ്പുകൾക്കെതിരെ നടപടിയെടുക്കാൻ കേന്ദ്ര ആഭ്യന്തര മന്ത്രാലയത്തോട് ആവശ്യപ്പെട്ടിരുന്നു. രാജ്യത്തിന്റെ സുരക്ഷയ്ക്ക് ഭീഷണിയായ 54 ചൈനീസ് ആപ്പുകള്‍ 2022ൽ കേന്ദ്രം നിരോധിച്ചിരുന്നു. 2020 മുതൽ 270 ആപ്പുകൾ സർക്കാർ നിരോധിച്ചിരുന്നു.