'എന്നെ അറസ്റ്റ് ചെയ്യാനുള്ള മിഷൻ വിജയമാക്കിയ ബിജെപി സുഹൃത്തുക്കൾക്ക് അഭിനന്ദനങ്ങൾ'; ഡി.കെ ശിവകുമാർ
Last Updated:
ബി ജെ പിയുടെ പ്രതികാര രാഷ്ട്രീയത്തിന്‍റെയും കുടിപ്പകയുടെയും ഇരയാണ് താനെന്നു ഡികെ ശിവകുമാർ ട്വിറ്ററിൽ കുറിച്ചു.
ന്യൂഡൽഹി: തന്നെ അറസ്റ്റു ചെയ്യുകയെന്ന മിഷൻ ഒടുവിൽ വിജയകരമായി പൂർത്തീകരിച്ചതിന് ബി ജെ പി സുഹൃത്തുക്കളെ അഭിനന്ദിക്കുന്നെന്ന് കോൺഗ്രസ് നേതാവ് ഡി കെ ശിവകുമാർ. ട്വിറ്ററിലാണ് ഡി കെ ശിവകുമാർ ഇങ്ങനെ കുറിച്ചത്. തനിക്കെതിരെയുള്ള ആദായനികുതി വകുപ്പ് കേസും എൻഫോഴ്സ്മെന്‍റ് ഡയറക്ടറേറ്റ് കേസും രാഷ്ട്രീയമായി കെട്ടിച്ചമച്ചതാണ്. ബി ജെ പിയുടെ പ്രതികാര രാഷ്ട്രീയത്തിന്‍റെയും കുടിപ്പകയുടെയും ഇരയാണ് താനെന്നു ഡികെ ശിവകുമാർ ട്വിറ്ററിൽ കുറിച്ചു.
ഡികെ ശിവകുമാറിന്‍റെ ട്വീറ്റ്,
എന്നെ അറസ്റ്റ് ചെയ്യുകയെന്ന മിഷൻ ഒടുവിൽ വിജയകരമായി പൂർത്തീകരിച്ചതിന് എന്‍റെ ബി ജെ പി സുഹൃത്തുക്കളെ ഞാൻ
അഭിനന്ദിക്കുന്നു.
എനിക്കെതിരെയുള്ള ആദായനികുതി വകുപ്പിന്‍റെയും എൻഫോഴ്സ്മെന്‍റ് ഡയറക്ടറേറ്റിന്‍റെയും കേസുകൾ രാഷ്ട്രീയപ്രേരിതമാണ്. ബിജെപിയും പ്രതികാര രാഷ്ട്രീയത്തിന്‍റെയും കുടിപ്പക രാഷ്ട്രീയത്തിന്‍റെയും ഇരയാണ് ഞാൻ.
I congratulate my BJP friends for finally being successful in their mission of arresting me.
The IT and ED cases against me are politically motivated and I am a victim of BJP's politics of vengeance and vendetta.
— DK Shivakumar (@DKShivakumar) September 3, 2019
advertisement
കള്ളപ്പണക്കേസിൽ കർണാടകയിലെ കോൺഗ്രസ് നേതാവ് ഡി കെ ശിവകുമാറിനെ എൻഫോഴ്സ്മെന്‍റ് ഡയറക്ടറേറ്റ് ചൊവ്വാഴ്ച രാത്രിയാണ് അറസ്റ്റു ചെയ്തത്. നാലുദിവസത്തെ ചോദ്യം ചെയ്യലിനു ശേഷമായിരുന്നു അറസ്റ്റ്. വെള്ളി, ശനി, ഞായർ, തിങ്കൾ ദിവസങ്ങളിൽ ചോദ്യം ചെയ്തതിന്‍റെ അടിസ്ഥാനത്തിലാണ് ഡി കെ ശിവകുമാറിനെ അറസ്റ്റ് ചെയ്തിരിക്കുന്നത്.
I appeal to my party cadre, supporters and well-wishers to not be disheartened as I have done nothing illegal.
I have full faith in God & in our country's Judiciary and am very confident that I will emerge victorious both legally and politically against this vendetta politics.
— DK Shivakumar (@DKShivakumar) September 3, 2019
advertisement
ചോദ്യങ്ങൾക്ക് വ്യക്തമായ മറുപടികൾ ശിവകുമാർ നൽകുന്നില്ലെന്നാണ് എൻഫോഴ്സ്മെന്‍റ് ഡയറക്ടറേറ്റിന്‍റെ നിലപാട്. പല തരത്തിലുള്ള ചോദ്യങ്ങളിൽ നിന്നും ശിവകുമാർ ഒഴിഞ്ഞുമാറുന്ന സമീപനമാണ് സ്വീകരിച്ചത്. നിരവധി രേഖകളും തെളിവുകളുമടക്കം ശേഖരിക്കേണ്ട ഉത്തരവാദിത്തവുമുണ്ടെന്നും അന്വേഷണസംഘം പറഞ്ഞു.
ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ദേശീയ വാർത്തകൾക്കായി News18 മലയാളത്തിനൊപ്പം വരൂ
Location :
First Published :
September 03, 2019 10:42 PM IST
മലയാളം വാർത്തകൾ/ വാർത്ത/India/
'എന്നെ അറസ്റ്റ് ചെയ്യാനുള്ള മിഷൻ വിജയമാക്കിയ ബിജെപി സുഹൃത്തുക്കൾക്ക് അഭിനന്ദനങ്ങൾ'; ഡി.കെ ശിവകുമാർ
