ഹൃദയഭേദകം ഈ കാഴ്ച; മരിച്ച ഒരുവയസുകാരന്‍റെ ശരീരം നെഞ്ചോടു ചേർത്ത് പിതാവ്; ചികിത്സ വൈകിച്ചെന്ന് ആരോപണം

പനി കടുത്തതിനെ തുടർന്നാണ് ഒരുവയസുകാരനായ അനൂജിനെ ജില്ലാ ആശുപത്രിയിലെത്തിച്ചത്. കുട്ടിയുടെ കഴുത്തിൽ വീക്കവും ഉണ്ടായിരുന്നതായി പറയപ്പെടുന്നു. എന്നാൽ ആശുപത്രിയിലെത്തിച്ച കുട്ടിയെ ഒന്ന് പരിശോധിക്കാൻ പോലും ഡോക്ടർമാർ തയ്യാറായില്ലെന്നാണ് മാതാപിതാക്കളായ പ്രേംചന്ദും ആശാ ദേവിയും ആരോപിക്കുന്നത്. മുക്കാല്‍ മണിക്കൂറോളം കാത്തിരിന്നിട്ടും ഒരാൾ പോലും തിരിഞ്ഞു നോക്കിയില്ല. കാന്‍പുരിലേക്ക് കൊണ്ടു പോകാനാണ് അവർ ആവശ്യപ്പെട്ടത്. ദരിദ്രനായ തന്‍റെ കയ്യിൽ അതിനുള്ള പണം ഇല്ലായിരുന്നുവെന്നാണ് പ്രേംചന്ദ് പറയുന്നത്.