ഖാസെം സുലൈമാനി വധം: അമേരിക്കന്‍ പ്രസിഡന്‍റ് ഡൊണാള്‍ഡ് ട്രംപിനെതിരെ അറസ്റ്റ് വാറണ്ട് പുറപ്പെടുവിച്ച് ഇറാൻ

സംഭവം നടന്ന് ആറ് മാസത്തോളം പിന്നിടുമ്പോഴാണ് ഇപ്പോൾ ഇറാന്‍റെ പുതിയ നീക്കം. അറസ്റ്റ് വാറണ്ടുമായി ബന്ധപ്പെട്ട് ട്രംപിന് ഭയക്കേണ്ട സാഹചര്യമൊന്നുമില്ലെങ്കിലും പൊതുവെ വഷളായിരിക്കുന്ന ഇരുരാജ്യങ്ങളും തമ്മിലുള്ള ബന്ധം ഇത് കൂടുതൽ വഷളാക്കും. കൊലപാതകം,തീവ്രവാദക്കുറ്റം എന്നീ കുറ്റങ്ങൾ ചുമത്തിയാണ് ട്രംപ് ഉൾപ്പെടെ മുപ്പത് പേർക്കെതിരെ ടെഹ്റാൻ പ്രോസിക്യൂട്ടർ അലി അല്‍ഖാസിമെർ അറസ്റ്റ് വാറണ്ട് പുറപ്പെടുവിച്ചിരിക്കുന്നതെന്നാണ് ഇറാൻ ദേശീയ വാർത്ത ഏജൻസി റിപ്പോർട്ട് ചെയ്യുന്നത്. പ്രസിഡന്‍റ് കാലാവാധി അവസാനിച്ച് കഴിഞ്ഞാലും ട്രംപിനെതിരായ നടപടികൾക്ക് ഇറാൻ സമ്മർദ്ദം ചെലുത്തുമെന്നും അറിയിച്ചിട്ടുണ്ട്.