PM Narendra Modi Birthday | പ്രധാനമന്ത്രിക്ക് ഇന്ന് 72-ാം ജന്മദിനം: നരേന്ദ്രമോദി ഭരണത്തിലെ സുപ്രധാന നാഴികക്കല്ലുകൾ

2014 സെപ്റ്റംബർ 28-ന്, ഇരുപതിനായിരത്തോളം ഇന്ത്യൻ അമേരിക്കൻ വംശജരെയും യുഎസ് ജനപ്രതിനിധികളെയും സാക്ഷിയാക്കി ന്യൂയോർക്കിലെ മാഡിസൺ സ്ക്വയറിൽ മോദി നടത്തിയ പ്രസംഗം ശ്രദ്ധേയമായിരുന്നു. വമ്പൻ സ്പോർട്സ് ഇവൻ്റുകൾക്കും റോക്ക് സംഗീതത്തിലെ പ്രമുഖർക്കും വേദിയായിട്ടുള്ള മാഡിസൺ സ്ക്വയറിൽ മോദിയുടെ വാക്കുകൾ ആവേശത്തോടെയാണ് ഇന്ത്യാക്കാർ കേട്ടിരുന്നത്.

500 രൂപയുടെയും 1000 രൂപയുടെയും നോട്ടുകൾ നിരോധിച്ചുകൊണ്ടാണ് 2016 നവംബർ എട്ടിന് രാത്രിയിൽ പ്രധാനമന്ത്രി മോദി രാജ്യത്തെ ഞെട്ടിച്ചത്. നിരോധിച്ച നോട്ടുകൾ ബാങ്കിൽ നിക്ഷേപിക്കാമെന്നും രണ്ടര ലക്ഷം രൂപയിൽ കൂടുതൽ ഇത്തരത്തിൽ നിക്ഷേപിച്ചാൽ അതിനെ കുറിച്ച് അന്വേഷിക്കുമെന്നും ടിവിയിലൂടെ രാജ്യത്തെ അഭിസംബോധന ചെയ്ത പ്രധാനമന്ത്രി പറഞ്ഞു. രാജ്യത്തെ കള്ളപ്പണം ഇല്ലാതാക്കാൻ ലക്ഷ്യമിട്ടുള്ള ഈ നടപടിയിലൂടെ ഉപയോഗത്തിലിരുന്ന 86% നോട്ടുകളാണ് ഇല്ലാതായത്.

കഴിഞ്ഞ 70 വർഷത്തിനിടയിൽ ഒരു പക്ഷേ ഏറ്റവും വലിയ രാഷ്ട്രീയ ചർച്ചയായി മാറി വിഷയമായിരുന്നു ജമ്മു കശ്മീരിന് പ്രത്യേക പദവി നൽകുന്ന ഭരണഘടനയുടെ 370-ാം അനുച്ഛേദം റദ്ദാക്കിയത്. 2019 ഓഗസ്റ്റ് അഞ്ചിനാണ് പാർലമെൻ്റ് ഈ തീരുമാനമെടുത്തത്.

2019 ഓഗസ്റ്റിൽ സർവൈവലിസ്റ്റ് ബിയർ ഗ്രിൽസിനോടൊപ്പം മാൻ വേഴ്സസ് വൈൽഡ് എന്ന പരിപാടിയിൽ മോദി പങ്കെടുത്തത് വലിയ വാർത്തയായിരുന്നു. ഉത്തരാഖണ്ഡിലെ ജിം കോർബറ്റ് ദേശീയോദ്യാനത്തിൽ മഴയും തണുപ്പും സഹിച്ചുകൊണ്ടാണ് മോദി സമയം തൻ്റെയുള്ളിലെ സാഹസികനെ പുറത്തെടുത്തത്.

ഡിസ്കവറി ചാനലിൽ സംപ്രേക്ഷണം ചെയ്ത പരിപാടി, പ്രകൃതിസംരക്ഷണം, ശുചിത്വം എന്നിങ്ങനെ മോദിയുടെ പ്രിയപ്പെട്ട സന്ദേശങ്ങളുടെ പ്രചരണം കൂടി ലക്ഷ്യമിട്ടായിരുന്നു സംഘടിപ്പിച്ചത്. മുൻ അമേരിക്കൻ പ്രസിഡൻ്റ് ബറാക്ക് ഒബാമ ഉൾപ്പെടെയുള്ള പ്രമുഖർ പങ്കെടുത്ത പരിപാടിയാണ് മാൻ വേഴ്സസ് വൈൽഡ്.

ഐഎസ്ആർഒയുടെ ചന്ദ്ര ദൗത്യമായ ചന്ദ്രയാൻ-2-ന് ചന്ദ്രൻ്റെ ഉപരിതലത്തിൽ ഇറങ്ങാൻ കഴിയാതിരുന്നത് ഇന്ത്യക്കാരെ സംബന്ധിച്ചിടത്തോളം അത്യന്തം ദുഃഖകരമായ സംഭവമായിരുന്നു. ഉപഗ്രഹത്തിൻ്റെ വിക്രം എന്നു പേരിട്ട ലാൻഡർ പദ്ധതി പ്രകാരം പ്രവർത്തിക്കാതിരുന്നതാണ് 2019 സെപ്റ്റംബർ 7-ന് ഉദ്യമം വിജയിക്കാതെ പോയതിന് കാരണം.

2019 സെപ്റ്റംബർ 22-ന് അന്നത്തെ അമേരിക്കൻ പ്രസിഡൻ്റ് ഡൊണാൾഡ് ട്രംപും പ്രധാനമന്ത്രി നരേന്ദ്ര മോദിയും പങ്കെടുത്ത ഹൗഡി മോദി റാലിയിൽ അമ്പതിനായിരത്തോളം പേരാണ് പങ്കെടുത്തത്. അമേരിക്കൻ മണ്ണിൽ ഒരു വിദേശ നേതാവിന് അപൂർവ്വമായി മാത്രം ലഭിച്ചിട്ടുള്ള വൻ സ്വീകരണങ്ങളിൽ ഒന്നായിരുന്നു ഇത്.

ഹൗഡി മോദി റാലി കഴിഞ്ഞ് മാസങ്ങൾക്കകം ഗുജറാത്തിലെ അഹമ്മദാബാദിലുള്ള മൊട്ടേര സ്റ്റേഡിയത്തിൽ മോദിയും ഇന്ത്യൻ ജനതയും ചേർന്ന് അമേരിക്കൻ പ്രസിഡൻ്റ് ഡൊണാൾഡ് ട്രംപിനെ വരവേറ്റു. 2020 ഫെബ്രുവരി 24-നായിരുന്നു ഈ പരിപാടി.

2021 ഒക്ടോബർ 21 ഇന്ത്യയുടെ ആരോഗ്യ മേഖലയെ സംബന്ധിച്ച് ഒരു പ്രധാന ദിവസമായിരുന്നു. അന്നാണ്, കോവിഡ്-19 മഹാമാരിക്കെതിരായ പോരാട്ടത്തിൽ ഇന്ത്യ 100 കോടി വാക്സിൻ കുത്തിവെപ്പ് എന്ന നേട്ടം കൈവരിച്ചത്. പോളിയോ നിർമ്മാർജ്ജനം ചെയ്ത ശേഷമുള്ള ഏറ്റവും വലിയ യത്നങ്ങളിൽ ഒന്നായിരുന്നു ഇത്.