PM Narendra Modi Birthday| പ്രധാനമന്ത്രി നരേന്ദ്രമോദിക്ക് ഇന്ന് പിറന്നാള്‍; രാജ്യവ്യാപകമായി വിവിധ പരിപാടികൾ; സേവാ ദിവസമായി ആചരിക്കാൻ BJP

എല്ലാ ജില്ലകളിലും ബിജെപി പ്രവർത്തകർ രക്തദാന ക്യാംപുകൾ നടത്തും. സൗജന്യ ആരോഗ്യ പരിശോധനാ ക്യാംപുകളുമുണ്ടാകും. ദിവ്യാംഗർക്ക് ഉപകരണങ്ങൾ നൽകും. കോവിഡ് ബൂസ്റ്റർ ഡോസ് എടുക്കാത്തവർക്ക് അതിനുള്ള സൗകര്യങ്ങളും ഏർപ്പെടുത്തും.

മുൻ രാഷ്ട്രപതി റാംനാഥ് കോവിന്ദ്- സമൂഹത്തിലെ ദുർബലരും ദരിദ്രരുമായവരുടെ ഉന്നമനത്തിനായി പ്രവർത്തിക്കുന്ന നേതാവാണ് പ്രധാനമന്ത്രി നരേന്ദ്ര മോദി. പാർശ്വവൽക്കരിക്കപ്പെട്ടവരുടെ അഭിലാഷങ്ങൾക്കും വികസന മോഹങ്ങൾക്കും ചിറകേകിയ അംബേദ്കറുടെ സ്വപ്നങ്ങൾ സഫലീകരിക്കുന്ന പ്രധാനമന്ത്രിയാണ് മോദി. നവംബർ 26 ഭരണഘടനാ ദിനമാക്കാൻ മുൻകയ്യെടുത്ത പ്രധാനമന്ത്രി തന്നെയാണ് അംബേദ്കറുടെ 125–ാം ജന്മവാർഷികമാഘോഷിക്കാൻ ഐക്യരാഷ്ട്ര സംഘടനയ്ക്കും പ്രേരണയായത്. കശ്മീരിന്റെ പ്രത്യേക പദവി റദ്ദാക്കലും സ്വയംപര്യാപ്ത ഇന്ത്യയും മോദി സർക്കാരിന്റെ പ്രധാന തീരുമാനങ്ങളാണ്. അംബേദ്കറുടെ സ്വപ്നങ്ങളാണ് ഇതിലൂടെ സാക്ഷാത്കരിച്ചത്. അഴിമതിയോടും കുടുംബവാഴ്ച രാഷ്ട്രീയത്തോടുമുള്ള ആശങ്ക അദ്ദേഹം പങ്കുവച്ചിട്ടുണ്ട്. രാജ്യമാണ് ആദ്യമെന്ന മുദ്രാവാക്യത്തിലൂന്നി സദ്ഭരണവും സാമൂഹിക ഐക്യവും അച്ചടക്കവും മുഖമുദ്രയാക്കിയാണ് മോദി മുന്നേറുന്നത്.