ഭർത്താവുമായി കലഹം: പിഞ്ചുകുഞ്ഞുങ്ങളെ അമ്മ കുപ്പി കൊണ്ടടിച്ചു കൊന്നു

ഹൈദരാബാദ് : ഭർത്താവുമായുണ്ടായ കലഹത്തിന്റെ ദേഷ്യത്തിൽ അമ്മ പിഞ്ചു കുഞ്ഞുങ്ങളെ കുപ്പി കൊണ്ട് അടിച്ചു കൊലപ്പെടുത്തി. തെലങ്കാനയിലെ സിദ്ധിപേട്ടിലാണ് നാടിനെ നടുക്കിയ ദാരുണ സംഭവം. ചിന്തല സരോജ എന്ന ഇരുപത്തിയെട്ടുകാരിയാണ് ഭർത്താവിനോടുള്ള കലഹത്തെ തുടർന്ന് അ‍ഞ്ചും രണ്ടരയും വയസുള്ള ആൺ മക്കളെ ഗ്ലാസ് കുപ്പി കൊണ്ട് അടിച്ചു കൊലപ്പെടുത്തിയത്. അയാൻ (5), ഹർഷ് വർദ്ധൻ (രണ്ടര) എന്നിവരാണ് കൊല്ലപ്പെട്ടത്. കുഞ്ഞുങ്ങളുടെ വായിൽ തുണി തിരുകി വച്ച ശേഷമായിരുന്നു ഹീനകൃത്യം.