SHOCKING- വീടിന് മുന്നിൽ നിന്ന് കാണാതായ 3 കുട്ടികളെ വെടിയേറ്റ് മരിച്ച നിലയിൽ കണ്ടെത്തി

പരാതിയിൽ അന്വേഷണം ആരംഭിച്ച പൊലീസ് കുട്ടികളെ വീട്ടിൽ നിന്ന് 15 കിലോമീറ്റർ അകലെയുള്ള ധാതുരി ഗ്രാമത്തിലെ ഒരു ഒഴിഞ്ഞ പ്രദേശത്തെ കുഴൽക്കിണറിനുള്ളിൽ വെടിയേറ്റ് മരിച്ച നിലയിൽ കണ്ടെത്തുകയായിരുന്നു. കുടുംബശത്രുതയാകാം ക്രൂരമായ കൊലപാതകത്തിന് പിന്നിലെന്നാണ് സൂചന. സൽമാൻ മാലിക് എന്നായാളെയാണ് പൊലീസ് സംശയിക്കുന്നത്. ഇയാൾക്കായി തെരച്ചിൽ ശക്തമാക്കി.

Also Read-കൊച്ചിയിൽ യുവതിയെ തലയ്ക്കടിച്ചു കൊന്ന ഭർത്താവ് പൊലീസ് സ്റ്റേഷനിൽ

അതേസമയം പരാതി നൽകിയിട്ടും എഫ്ഐആർ രജിസ്റ്റർ ചെയ്യാൻ പൊലീസ് തയ്യാറായില്ലെന്ന ആരോപണവുമായി കുട്ടികളുടെ ബന്ധുക്കൾ രംഗത്തെത്തിയിട്ടുണ്ട്. ആരോപണത്തെ തുടർന്ന് വിഷയത്തിൽ പൊലീസിന്റെ ഭാഗത്ത് വീഴ്ചയുണ്ടായെന്ന് സമ്മതിച്ച ബുലന്ദ്ഷഹർ എസ്എസ്പി, രണ്ട് പൊലീസ് ഉദ്യോഗസ്ഥരെ സസ്പെൻഡ് ചെയ്യാൻ ഉത്തരവിട്ടിട്ടുണ്ട്. മൂന്ന് കുഞ്ഞുങ്ങളുടെ കൊലപാതകം പ്രദേശത്ത് പ്രതിഷേധത്തിന് ഇടയാക്കിയിട്ടുണ്ട്.