Modi@8 | മോദി ഇതിഹാസം; വടക്കുകിഴക്കൻ സംസ്ഥാനങ്ങളെ സ്വന്തം കുടുംബംപോലെ കാണുന്നു: മണിപ്പൂർ മുഖ്യമന്ത്രി

വ്യത്യസ്തനായ ഒരു നേതാവാണ് ബഹുമാനപ്പെട്ട പ്രധാനമന്ത്രി. അദ്ദേഹം ഒരു ഇതിഹാസമാണ്. ബിജെപിയിലേക്ക് വരുന്നതിന് മുമ്പ് ഞാൻ മറ്റ് നേതാക്കൾക്കൊപ്പം പ്രവർത്തിച്ചിട്ടുണ്ട്. മോദി ആശയങ്ങൾ രൂപപ്പെടുത്തുകയും അവ നമ്മോട് പങ്കുവെക്കുകയും ചെയ്യുന്നു. രാഷ്ട്രീയ നേട്ടങ്ങൾക്ക് വേണ്ടിയല്ല അദ്ദേഹം പ്രവർത്തിക്കുന്നത്. അദ്ദേഹത്തിന്റെ പ്രവർത്തനം സാധാരണക്കാർക്ക് വേണ്ടിയുള്ളതാണ്.

വളരെ നല്ല ചോദ്യം. വടക്കുകിഴക്കൻ സംസ്ഥാനത്തുള്ള ഒരാൾ എന്ന നിലയിൽ മുൻപ് എനിക്ക് തോന്നിയതും ഇപ്പോൾ എനിക്ക് അനുഭവപ്പെടുന്നതുമായ കാര്യങ്ങൾ നിങ്ങളുമായി പങ്കുവെയ്ക്കാൻ ഞാൻ ആഗ്രഹിക്കുന്നു. മോദിജിക്ക് മുമ്പ് ഇന്ത്യക്കാർ ഞങ്ങളെ അവജ്ഞയോടെയാണ് കണ്ടിരുന്നത്. ഞങ്ങൾക്ക് എന്തെങ്കിലും പറയണമെന്നു തോന്നിയപ്പോഴൊന്നും ഇന്നത്തേതു പോലെ അവസരം നൽകിയിരുന്നില്ല.

ഞങ്ങളിപ്പോൾ അഭിമാനമുള്ള ഇന്ത്യക്കാരാണ്. നേരത്തെ ഞങ്ങൾക്ക് ശരിയായ രീതിയിലുള്ള പരി​ഗണന ലഭിച്ചിരുന്നില്ല. കേന്ദ്രമന്ത്രിമാരുടെ ശരീരഭാഷയിൽ നിന്നു പോലും അവർ ഞങ്ങളെ അവജ്ഞയോടെയാണ് കാണുന്നതെന്നാണ് മു‍ൻപ് വ്യക്തമായിരുന്നത്. ഇപ്പോൾ കാര്യങ്ങൾ തികച്ചും വ്യത്യസ്തമാണ്. വടക്കുകിഴക്കൻ പ്രദേശങ്ങളെ സ്വന്തം കുടുംബത്തെ പോലെയാണ് മോദിജി കണക്കാക്കുന്നത്. കഴിഞ്ഞ ഏഴെട്ടു വർഷത്തിനിടെ 50-ലധികം തവണ മോദിജി വടക്കുകിഴക്കൻ സംസ്ഥാനങ്ങൾ സന്ദർശിച്ചിട്ടുണ്ട്. പ്രധാനമന്ത്രിയായ അദ്ദേഹം നിരവധി തവണ സന്ദർശനം നടത്തിയിട്ടും അദ്ദേഹത്തിന്റെ ക്യാബിനറ്റ് മന്ത്രിമാർ ഒന്നിടവിട്ട ദിവസങ്ങളിൽ വന്ന് എന്താണ് വേണ്ടതെന്ന് ചോദിക്കുന്നത് ഞങ്ങളൊരു കുടുംബമാണെന്ന തോന്നൽ നൽകുന്നുണ്ട്.

വടക്കുകിഴക്കൻ മേഖലയിലെ ജനങ്ങളെക്കുറിച്ച് വളരെ ശ്രദ്ധാലുവാണ് അദ്ദേഹം. മണിപ്പൂരിന്റെ തനതായ സംസ്കാരം അദ്ദേഹം ശ്രദ്ധയോടെ പാലിക്കാറുണ്ട്. ഡൽഹിയിൽ ചെന്ന് അദ്ദേഹത്തിന് ലീറം ഫീ (leirum phee - പരമ്പരാഗത മണിപ്പൂരി) ടവൽ സമ്മാനിച്ച് ഇതവിടുത്തെ പ്രശസ്തമായൊരു സാധനമാണെന്ന് ഞാനദ്ദേഹത്തോട് പറഞ്ഞു. ലെയ്‌റം ഫീയെക്കുറിച്ച് തനിക്കറിയാമെന്നും ഇത് ഇന്ത്യയുടെ സംസ്‌കാരത്തിന്റെ ഭാഗമാണെന്നും അദ്ദേഹം എന്നോട് പറഞ്ഞു. എനിക്ക് വലിയ സന്തോഷം തോന്നി. പിന്നീട്, ഗംഗയിൽ പുണ്യസ്നാനം ചെയ്യുമ്പോൾ അദ്ദേഹം ഇത് ധരിച്ചതായി എന്റെ ശ്രദ്ധയിൽ പെട്ടിട്ടുണ്ട്. മണിപ്പൂരിന്റെ കായിക താരങ്ങളെ അദ്ദേഹം പ്രശംസിക്കുന്ന രീതിയും വളരെ മികച്ചതാണ്.

ചെറുതാണെങ്കിലും സങ്കീർണ്ണതകൾ നിറഞ്ഞ ഒരു സംസ്ഥാനമാണ് മണിപ്പൂർ. നിർണായക വിഷയങ്ങൾ ഉണ്ടാകുമ്പോൾ അദ്ദേഹം ഞാൻ പറയുന്നത് കേൾക്കുകയും ഞങ്ങളെ നയിക്കുകയും ചെയ്യാറുണ്ട്. അതു സംബന്ധിച്ച മാർ​ഗ നിർദേശങ്ങളും നൽകാറുണ്ട്. ഒരിക്കൽ ഒരു നിർണായക സാഹചര്യം ഉണ്ടായി. ഞാൻ അതേക്കുറിച്ച് മോദിജിയോട് സംസാരിച്ചപ്പോൾ അദ്ദേഹം ക്ഷമയോടെ കേട്ടിരുന്നു. ഞങ്ങളുടെ ആവശ്യം ന്യായമാണെന്നു പറഞ്ഞ അദ്ദേഹം അമിത് ജിയുമായി (Amit (Shah) സംസാരിക്കാനും പറഞ്ഞു. അദ്ദേഹത്തിൽ നിന്നും ഒരു പരിഹാരം ലഭിക്കും എന്നും മോദിജി പറഞ്ഞു. ''നിങ്ങൾ അമിത് ഭായിയെ കണ്ടിട്ടുണ്ടോ? പോയി കാണൂ, അദ്ദേഹത്തിന് ഇക്കാര്യത്തിൽ ഒരു വ്യക്തമായ പരിഹാരം ഉണ്ടാകും'', എന്നാണ് മോദി പറഞ്ഞത്. തുടർന്ന് ഞാൻ അമിത് ജിയുടെ അടുത്തേക്ക് പോയി. അതൊരു കുടുംബം പോലെയാണ്.

ഞാൻ നൂറ് ശതമാനത്തിലേറെ മാർക്ക് കൊടുക്കും. വടക്കുകിഴക്കൻ സംസ്ഥാനങ്ങളിലും രാജ്യമെമ്പാടും നിരവധി മാറ്റങ്ങൾ നിങ്ങൾ കാണുന്നുണ്ട്. മണിപ്പൂർ എങ്ങനെ മാറിയെന്ന് നോക്കൂ. അഫ്സ്പക്കുള്ള (ആംര്‍ഡ് ഫോഴ്സ് സ്പെഷ്യല്‍ പവര്‍ ആക്ട് - Armed Forces Special Powers Act -AFSPA)) ഇന്നർ ലൈൻ പെർമിറ്റ് കുറച്ചു. മണിപ്പൂരിലെ രക്തസാക്ഷികളെ ആൻഡമാനിൽ ആദരിച്ചു. മണിപ്പൂരികളുടെ വികാരങ്ങളെ അദ്ദേഹം പരി​ഗണിച്ചു. അദ്ദേഹം 100-ൽ കൂടുതൽ മാർക്ക് അർഹിക്കുന്നു. മുമ്പ് ഞങ്ങൾ ലജ്ജിച്ചിരുന്നവരാണ്. എന്നാൽ ഇപ്പോൾ അദ്ദേഹം കാരണം ഞങ്ങൾ അഭിമാനിക്കുന്ന ഇന്ത്യക്കാരാണ്.

പ്രധാനമന്ത്രിയെയും അദ്ദേഹത്തിന്റെ ടീമിനെയും അഭിനന്ദിക്കാനും ബഹുമാനിക്കാനും ഈ അവസരത്തിൽ ഞാൻ ആഗ്രഹിക്കുന്നു. മോദിജിയെപ്പോലുള്ള നേതാക്കളെ ലഭിക്കാൻ വളരെ പ്രയാസമുള്ളതിനാൽ അദ്ദേഹം 15 വർഷത്തിലേറെ തുടരാൻ ഞാൻ ദൈവത്തോട് പ്രാർത്ഥിക്കുകയാണ്. അന്താരാഷ്‌ട്രതലത്തിൽ നമ്മെ നയിക്കാൻ കഴിയുന്ന ഒരേയൊരു നേതാവാണ് അദ്ദേഹം. അദ്ദേഹം പ്രധാനമന്ത്രിയായി തുടർന്നാൽ നമ്മുടെ രാജ്യം ലോകത്തിന്റെ നെറുകയിൽ എത്തും.