മോദി അഞ്ചു വർഷം ഭരിച്ചത് 15 ആളുകൾക്ക് വേണ്ടി മാത്രമെന്ന് രാഹുൽ ഗാന്ധി

കൃഷ്ണഗിരി: കഴിഞ്ഞ അഞ്ചുവർഷം പ്രധാനമന്ത്രി നരേന്ദ്ര മോദി രാജ്യം ഭരിച്ചത് തന്‍റെ 15 സുഹൃത്തുക്കൾക്ക് വേണ്ടി മാത്രമാണെന്ന് കോൺഗ്രസ് അധ്യക്ഷൻ രാഹുൽ ഗാന്ധി. വലിയ തുക ലോണെടുത്ത വിജയ് മല്യയെ പോലെയുള്ള ആളുുകൾ ഇപ്പോഴും ജയിലിനു പുറത്താണെന്നും രാഹുൽ ഗാന്ധി പറഞ്ഞു. വിജയ് മല്യ, നിരവ് മോദി എന്നിവരെ പോലെയുള്ള ആളുകൾ വൻതുക ലോണെടുത്തതിനു ശേഷം അത് അടയ്ക്കാൻ തയ്യാറാകാതെ രാജ്യം വിട്ട് ഓടിപ്പോയെന്നും രാഹുൽ ഗാന്ധി പറഞ്ഞു. തമിഴ് നാട്ടിലെ കൃഷ്ണഗിരിയിൽ തെരഞ്ഞെടുപ്പ് റാലിയെ അഭിസംബോധന ചെയ്ത് സംസാരിക്കുകയായിരുന്നു രാഹുൽ ഗാന്ധി.