സൈന്യത്തെ രാഷ്ട്രീയവത്ക്കരിക്കുന്നത് വിലക്കണം; രാഷ്ട്രപതിക്ക് അയച്ച കത്തിനെ ചൊല്ലി തർക്കം

Last Updated:Apr 12, 2019 2:34 PM IST

സൈന്യത്തെ രാഷ്ട്രീയവത്ക്കരിക്കുന്നത് തടയണമെന്ന് ആവശ്യപ്പെട്ട് രാഷ്ട്രപതിക്ക് നൽകിയ കത്തിൽ ഒപ്പുവെച്ചിട്ടില്ലെന്ന് രണ്ട് മുൻ സേനാമേധാവികൾ വ്യക്തമാക്കി. ഇതോടെയാണ് കത്തിനെച്ചൊല്ലി തർക്കം ഉടലെടുത്തത്.

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

ന്യൂഡൽഹി: സൈന്യത്തെ രാഷ്ട്രീയവത്കരിക്കുന്നത് വിലക്കണമെന്ന് ആവശ്യപ്പെട്ട് രാഷ്ട്രപതി രാംനാഥ് കോവിന്ദിന് മുന്‍സൈനിക ഉദ്യോഗസ്ഥർ അയച്ച കത്തിനെ ചൊല്ലി തർക്കം. കത്ത് അയച്ചിട്ടില്ലെന്നും ആരാണ് കത്തയച്ചതെന്ന് അറിയില്ലെന്നും കരസേന മുൻ മേധാവി ജനറൽ എസ്.എഫ് റോഡ്രിഗസ് പറഞ്ഞു. കത്തിൽ ഒപ്പുവെച്ചിട്ടില്ലെന്ന് മുൻ വ്യോമസേനാ മേധാവി എൻ.സി സൂരി മുല്ല തമാക്കി വ്യക്തമാക്കി. എന്നാൽ കത്തിൽ ഒപ്പുവെച്ചെന്നാണ് നാവികസേന മുൻ മേധാവി അഡ്മിറൽ സൂരീഷ് മേത്ത പറയുന്നത്. കര - നാവിക - വ്യോമസേനകളിലെ എട്ട് മുന്‍മേധാവിമാര്‍ ഉള്‍പ്പടെ 150ല്‍ അധികം ഉദ്യോഗസ്ഥരാണ് കത്തില്‍ ഒപ്പുവച്ചിരിക്കുന്നത്.

സൈന്യത്തെ തെരഞ്ഞെടുപ്പ് ലാഭത്തിനായി ഉപയോഗിക്കുന്നത് തടയണമെന്നാവശ്യപ്പെട്ടാണ് സായുധ സേനയിലെ മുൻ ഉദ്യോഗസ്ഥർ രംഗത്തെത്തിയത്. യോഗി ആദിത്യനാഥ്‌ അടക്കമുള്ളവർ സൈന്യത്തിന്റെ പേരിൽ വോട്ടു തേടുന്നതിനായി നടത്തുന്ന പ്രസ്താവനകൾ തടയണമെന്നാവശ്യപ്പെട്ട് ഇവർ രാഷ്ട്രപതിക്ക് കത്തയയ്ക്കുകയായിരുന്നു. സൈന്യവുമായി ബന്ധപ്പെടുത്തിയുള്ള പ്രചാരണത്തിൽ നിന്ന് വിട്ടു നിൽക്കാൻ പാർട്ടികൾക്ക് നിർദ്ദേശം നൽകണമെന്നാണ് കത്തിലെ ആവശ്യം. 156 മുൻ സൈനിക ഉദ്യോഗസ്ഥരാണ് കത്തിൽ ഒപ്പ് വച്ചത്. കത്തിന്റെ പകർപ്പ് തെരഞ്ഞെടുപ്പ് കമ്മീഷനും നൽകിയിട്ടുണ്ട്.

സൈന്യത്തെ തെരഞ്ഞെടുപ്പ് നേട്ടത്തിനായി ഉപയോഗിക്കുന്നു; രാഷ്ട്രപതിക്ക് പരാതിയുമായി മുൻ സൈനിക ഉദ്യോഗസ്ഥർ

അതിർത്തി കടന്നുള്ള ആക്രമണങ്ങളുടെ ഉൾപ്പടെ ക്രെഡിറ്റ് ഏറ്റെടുക്കുന്ന തരത്തിലാണ് ചില രാഷ്ട്രീയനേതാക്കളുടെ പ്രസ്താവനയെന്ന് പരാതിയിൽ ചൂണ്ടിക്കാട്ടുന്നുണ്ട്. പാകിസ്ഥാനിൽനിന്ന് മടങ്ങിയെത്തിയ എയർഫോഴ്സ് വിങ് കമാൻഡർ അഭിനന്ദൻ വർധമാൻ ഉൾപ്പടെയുള്ളവരുടെ ചിത്രം ഉപയോഗിച്ച് വോട്ട് തേടുന്ന പ്രവണതയും വർദ്ധിച്ചുവരുന്നുണ്ടെന്ന് പരാതിയിൽ പറയുന്നു.