പ്രധാനമന്ത്രി നരേന്ദ്രമോദി കത്തോലിക്കാ മെത്രാന് സമിതിയുടെ ക്രിസ്തുമസ് ആഘോഷങ്ങളില് പങ്കെടുക്കും
- Published by:Sneha Reghu
- news18-malayalam
Last Updated:
ഡിസംബർ 23-ന് സിബിസിഐയുടെ ആഘോഷപരിപാടികളിൽ മുഖ്യാതിഥിയായി പ്രധാനമന്ത്രി പങ്കെടുക്കുന്ന വിവരം പ്രധാമന്ത്രിയുടെ ഓഫീസ് അറിയിച്ചു
ന്യൂഡൽഹി: പ്രധാനമന്ത്രി നരേന്ദ്രമോദി തിങ്കളാഴ്ച കത്തോലിക്കാ മെത്രാന് സമിതിയുടെ ക്രിസ്തുമസ് ആഘോഷങ്ങളില് പങ്കെടുക്കും. ഡിസംബർ 23ന് ഡല്ഹിയില് സിബിസിഐയുടെ ആഘോഷപരിപാടികളിൽ മുഖ്യാതിഥിയായി പങ്കെടുക്കുന്ന വിവരം പ്രധാമന്ത്രിയുടെ ഓഫീസ് അറിയിച്ചു. വൈകുന്നേരം ആറരയ്ക്കാണ് പരിപാടി നടക്കുന്നത്.
ക്രിസ്തുമസ് പരിപാടിയിൽ സിബിസിഐ പ്രസിഡന്റ് ആര്ച്ച് ബിഷപ്പ് ആന്ഡ്രൂസ് താഴത്ത് അധ്യക്ഷത വഹിക്കും. പരിപാടിയില് നിരവധി മതപുരോഹിതന്മാര്, പൗരപ്രമുഖര്, ഉദ്യോഗസ്ഥര് എന്നിവരും പങ്കെടുക്കും. അത്താഴവിരുന്നോടെ ആഘോഷപരിപാടികള് സമാപിക്കുമെന്ന് സിബിസിഐ ഡെപ്യൂട്ടി സെക്രട്ടറി ജനറല് റവ. ഡോ. മാത്യു കോയിക്കല് പറഞ്ഞു.
കഴിഞ്ഞ വർഷം ക്രിസ്തുമസ് ആഘോഷത്തിന്റെ ഭാഗമായി രാജ്യത്തെ ക്രൈസ്തവ നേതാക്കളെ പ്രധാനമന്ത്രി തന്റെ ഔദ്യോഗിക വസതിയിലേക്ക് ക്ഷണിച്ച് വിരുന്ന് സൽക്കാരം നൽകിയിരുന്നു.
Click here to add News18 as your preferred news source on Google. ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ദേശീയ വാർത്തകൾക്കായി News18 മലയാളത്തിനൊപ്പം വരൂ
Location :
Delhi
First Published :
Dec 22, 2024 6:49 PM IST
മലയാളം വാർത്തകൾ/ വാർത്ത/India/
പ്രധാനമന്ത്രി നരേന്ദ്രമോദി കത്തോലിക്കാ മെത്രാന് സമിതിയുടെ ക്രിസ്തുമസ് ആഘോഷങ്ങളില് പങ്കെടുക്കും
