അമേഠിക്ക് പുറത്തും മത്സരിക്കുമോ രാഹുൽ?

ന്യൂഡൽഹി : ഒന്നരപ്പതിറ്റാണ്ടുകളായി പ്രതിനിധീകരിക്കുന്ന അമേഠി മണ്ഡലം കോണ്‍ഗ്രസ് അധ്യക്ഷൻ രാഹുൽ ഗാന്ധി ഉപേക്ഷിക്കുന്നു എന്ന് അഭ്യൂഹം. രാഹുലിന്റെ സ്ഥാനാർത്ഥിത്വം സംബന്ധിച്ച് കുറച്ച് ദിവസങ്ങളായി ഉയരുന്ന ചില വാർത്തകളാണ് ഈ സംശയം ഉയർത്തിയിരിക്കുന്നത്. വരുന്ന തെരഞ്ഞെടുപ്പിൽ മഹാരാഷ്ട്രയിലെ നാന്ദേഡിനൊപ്പം മധ്യപ്രദേശിലെ ചിന്ദ്വാഡയിൽ കൂടി രാഹുൽ മത്സരിക്കുമെന്ന വിവരങ്ങൾ പ്രചരിച്ചതോടെയാണ് ഇത്തരമൊരു അഭ്യൂഹം ഉയർന്നിരിക്കുന്നത്. അമേഠി ഉള്‍പ്പെടെ മൂന്ന് മണ്ഡലങ്ങളിൽ മത്സരിക്കുമെന്നാണ് ചില ദേശീയ മാധ്യമങ്ങൾ റിപ്പോർട്ട് ചെയ്തിരുന്നുവെങ്കിലും ഇത് വസ്തുതാ വിരുദ്ധമാണ്.