പ്രധാനമന്ത്രി മോദിക്ക് ദീപാവലി ആശംസയുമായി ഷെയ്ഖ് മുഹമ്മദ് ബിൻ റാഷിദ് അൽ മക്തൂം

Last Updated:Nov 08, 2018 3:31 PM IST

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

ദുബായ്: പ്രധാനമന്ത്രി നരേന്ദ്ര മോദിക്ക് ഊഷ്മളമായ ദീപാവലി ആശംസകൾ നേർന്ന് ഷെയ്ഖ് മുഹമ്മദ് ബിൻ റാഷിദ് അൽ മക്തൂം. ട്വിറ്ററിലാണ് യു എ ഇ പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ദീപാവലി ആശംസകൾ നേർന്നത്. ഹിന്ദിയിലും ഇംഗ്ലീഷിലുമാണ് അദ്ദേഹം ദീപാവലി ആശംസകൾ നേർന്നത്.

യു എ ഇയിലെ മുഴുവൻ ആളുകളുടെയും പേരിൽ നരേന്ദ്ര മോദിക്കും ദീപാവലി ആഘോഷിക്കുന്ന എല്ലാവർക്കും സന്തോഷകരമായ ഒരു ഉത്സവം ആശംസിക്കുന്നെന്ന് അദ്ദേഹം ട്വിറ്ററിൽ കുറിച്ചു. സ്നേഹത്തിന്‍റെയും പ്രതീക്ഷയുടെയും പ്രകാശം നമ്മളിൽ എല്ലാവരിലും തിളങ്ങട്ടെയെന്നും അദ്ദേഹം ആശംസിച്ചു.

On behalf of the people of the UAE. I wish @narendramodi and all who are celebrating Diwali a happy and joyful festival. May the light of love and hope shine on us all.

I encourage you to share your pictures of Diwali celebrations in the United Arab Emirates! #UAEDiwali

— HH Sheikh Mohammed (@HHShkMohd) November 7, 2018

യു എ ഇയിലെ ദീപാവലി ആഘോഷങ്ങളുടെ ചിത്രങ്ങൾ പങ്കുവെയ്ക്കാനും അദ്ദേഹം ആവശ്യപ്പെട്ടു. #UAEDiwali എന്ന ഹാഷ് ടാഗോടെയാണ് അദ്ദേഹം ട്വീറ്റ് ചെയ്തത്.

दिवाली के शुभ अवसर पर भारत के प्रधानमंत्री श्री नरेंद्र मोदी @narendramodi और सभी मनानेवालों को मेरे और UAE वासीओं की ओर से हार्दिक शुभकामनायें!

सद्भावना और आशा का प्रकाश आजीवन हमारे साथ रहे।

कृपया UAE में अपनी दिवाली की तस्वीरें हमारे साथ share करें। #UAEDiwali

— HH Sheikh Mohammed (@HHShkMohd) November 7, 2018

ഏതായാലും യു എ ഇ പ്രധാനമന്ത്രിയുടെ അഭ്യർത്ഥന യു എ ഇയിലെ ഇന്ത്യൻ സമൂഹം ഏറ്റെടുത്തു. ദീപാവലി ആഘോഷങ്ങളുടെ ചിത്രങ്ങൾ കമന്‍റ് ബോക്സിൽ നിറയുകയാണ്. പ്രധാനമന്ത്രി നരേന്ദ്ര മോദി സൈനികർക്കൊപ്പം ദീപാവലി ആഘോഷിക്കുന്ന ചിത്രവും കമന്‍റ് ബോക്സിൽ ഷെയ്ഖ് മുഹമ്മദിന് മറുപടിയായി പങ്കുവെച്ചിട്ടുണ്ട്.