Viral Video| അശ്രദ്ധമായ ഡ്രൈവിംഗ്; തടഞ്ഞ പൊലീസുകാരനെ ബോണറ്റിൽ ഇടിച്ചിട്ട് കാറുമായി പാഞ്ഞ് ഡ്രൈവർ

Also Read-Shocking | മുത്തശ്ശിയുടെ തലയറുത്ത് ഡൈനിംഗ് ടേബിളിൽ വച്ച് ലഹരിക്കടിമയായ യുവാവ്

ബോണറ്റിലേക്ക് വീണ പൊലീസുകാരനുമായി കാർ വീണ്ടും മുന്നോട്ട് പോകുന്നുണ്ട്. പൊലീസുകാരൻ ബോണറ്റിൽ കിടക്കുമ്പോഴും അശ്രദ്ധമായി വാഹനമോടിക്കുന്നത് ഇയാൾ തുടരുന്നുണ്ട്. നാന്നൂറ് മീറ്ററോളം ഇത്തരത്തിൽ കിടന്ന ശേഷം പൊലീസ് ഉദ്യോഗസ്ഥന്‍ നടുറോഡിലേക്ക് വീഴുകയാണ് ചെയ്തത്. പിറകിലെത്തിയ വാഹനങ്ങൾ പെട്ടെന്ന് തന്നെ നിർത്തിയതു കൊണ്ട് വലിയ ദുരന്തം ഒഴിവായി. പൊലീസുകാരൻ താഴേക്ക് വീണതും കാറുകാരൻ അമിത വേഗത്തിൽ സ്ഥലത്തു നിന്നു കടന്നു കളഞ്ഞു.

സംഭവത്തിന്‍റെ സിസിറ്റിവി ദൃശ്യങ്ങൾ ഇതിനോടകം തന്നെ വൈറലായി. ഫാൻസി നമ്പർ പ്ലേറ്റ് ഘടിപ്പിച്ച വാഹനം ഒരുകിലോമീറ്ററോളം പിന്തുടർന്ന് പ്രദേശവാസികൾ തന്നെ ഡ്രൈവറെ പിടികൂടിയെന്നാണ് റിപ്പോർട്ട്. ഉത്തംനഗർ സ്വദേശിയായ ഇയാൾക്കെതിരെ അശ്രദ്ധമായ വാഹനം ഓടിച്ചതിനും തടസം സൃഷ്ടിച്ചതിനുമാണ് കേസെടുത്തിരിക്കുന്നത്.