''തുടർഭരണം ഉണ്ടായാൽ കേരളം ബം​ഗാളാകും; മൂന്നാം പിണറായി സർക്കാരെന്ന് കേൾക്കുമ്പോൾ ആളുകൾക്ക് ഞെട്ടലാണ്': എ കെ ആന്റണി

പിണറായി ഭരണം കഴിഞ്ഞു. തുടർഭരണം എന്ന് കേട്ടാൽ ജനം ഞെട്ടുന്ന അവസ്ഥയാണ് ഇന്ന്. സെക്രട്ടറിയേറ്റിനെ പിണറായി രാവണൻ കോട്ടയാക്കി മാറ്റിയിരിക്കുകയാണ്. മാദ്ധ്യമപ്രവർത്തകർക്ക് പോലും അവിടെ കയറാനാകുന്നില്ല. പിണറായി വിജയൻ സർക്കാരിന്‍റെ അവസാന നാളുകളാണ്. ഈ സർക്കാർ പോയെ തീരൂവെന്ന് ജനങ്ങൾ തീരുമാനിച്ചു കഴിഞ്ഞു. മൂന്നാം പിണറായി സർക്കാർ എന്ന് കേൾക്കുമ്പോൾ ആളുകൾക്ക് ഞെട്ടലാണ്, ഇനിയും അത് താങ്ങാനുള്ള കരുത്ത് ജനങ്ങൾക്കില്ല.

പത്ത് വർഷം കൊണ്ട് കേരളം ഏറെ പിന്നോട്ട് പോയിരിക്കുന്നു. ആറ് ലക്ഷം കോടിയുടെ കടമാണ് കേരളത്തിനുള്ളത്. കേരളത്തിലെ നിഷ്പക്ഷരായ ജനങ്ങൾ പിണറായിയുടെ തുടർഭരണത്തെ ഭയത്തോടെയാണ് കാണുന്നത്. മോദി പിന്തുണ കൊടുത്താൽ പോലും ഇടതുപക്ഷത്തിന് തിരിച്ചു വരാൻ സാധ്യമല്ലാത്ത വിധം ജനങ്ങൾ വെറുത്തിരിക്കുന്നു.

യുഡിഎഫ് ഒറ്റക്കെട്ടാണ്. കോണ്‍ഗ്രസില്‍ മുഖ്യമന്ത്രി സ്ഥാനത്തിനായി തര്‍ക്കമില്ലെന്നും ഫലം വന്ന് 48 മണിക്കൂറിനകം തീരുമാനമുണ്ടാകുമെന്നും അദ്ദേഹം വ്യക്തമാക്കി.