മാവോയിസ്റ്റ് കേസിൽ അറസ്റ്റിലായ താഹയുടെ ഉമ്മയും സഹോദരനും മനുഷ്യ മഹാശൃംഖലയിൽ

താഹയും താനും ഇപ്പോഴും പാർട്ടി അംഗങ്ങളാണെന്ന് സഹോദരൻ ഇജാസ് പറഞ്ഞു. ഭരണഘടന തകർക്കപ്പെടുമ്പോൾ മനുഷ്യ മഹാ ശൃംഖല പോലുള്ള സമരങ്ങൾ അനിവാര്യമാണ്. താഹ ഇപ്പോഴും പാർട്ടി അംഗമാണെന്ന് സിപിഎം ജില്ലാ സെക്രട്ടറി പി മോഹനൻ പറഞ്ഞത് താഹ മാവോയിസ്റ്റാണെന്ന് പറഞ്ഞവർക്കുള്ള മറുപടിയാണെന്നും ഇജാസ് പറഞ്ഞു.

താഹ ജയിലിന് വെളിയിൽ ആയിരുന്നെങ്കിൽ ശൃംഖലയിൽ പങ്കാളി ആവുമായിരുന്നു. യുഎപിഎയ്ക്കും സിഎഎയ്ക്കും എതിരാണ് പാർട്ടി നിലപാട്. കുടുംബത്തിന് സിപിഎം പ്രാദേശിക നേതൃത്വത്തിന്‍റെ പിന്തുണയുണ്ടെന്നും ഇജാസ് പറഞ്ഞു.